Міжнароднае супрацоўніцтва

Асноўнае месца ў міжнароднай дзейнасці Следчага камітэта Рэспублікі Беларусь займаюць пытанні ўзаемадзеяння з замежнымі калегамі ў сферы вядзення дасудовага працэсу па крымінальных справах. Гэта пытанні аказання розных відаў прававой дапамогі па крымінальных справах.

У адпаведнасці з заканадаўствам Рэспублікі Беларусь Следчы камітэт Рэспублікі Беларусь з’яўляецца адным з упаўнаважаных органаў па ажыццяўленні непасрэдных зносін з цэнтральнымі, тэрытарыяльнымі і іншымі органамі дзяржаў, якія з'яўляюцца ўдзельнікамі шэрагу міжнародных дагавораў аб прававой дапамозе па крымінальных справах.

Так, у адпаведнасці з Законам Рэспублікі Беларусь ад 13 снежня 2011 года “Аб унясенні дапаўненняў і змяненняў у некаторыя законы Рэспублікі Беларусь па пытаннях утварэння Следчага камітэта Рэспублікі Беларусь” Следчы камітэт Рэспублікі Беларусь прызнаецца кампетэнтным органам, упаўнаважаным да зносін з кампетэнтнымі органамі дзяржаў-удзельніц Садружнасці Незалежных Дзяржаў у рамках Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 22 студзеня 1993 г. у рэдакцыі Пратакола да яе ад 28 сакавіка 1997 г. і Канвенцыі аб прававой дапамозе і прававых адносінах па грамадзянскіх, сямейных і крымінальных справах ад 7 кастрычніка 2002 г.

Акрамя таго, Следчы камітэт Рэспублікі Беларусь з'яўляецца кампетэнтным органам па заключаных у рамках Садружнасці Незалежных Дзяржаў міжнародных пагадненнях у сферы барацьбы са злачыннасцю. Узаемадзеянне Следчага камітэта Рэспублікі Беларусь у пытаннях аказання прававой дапамогі ажыццяўляецца на аснове міжнародных дагавораў або прынцыпу ўзаемнасці. Прававыя асновы для аказання міжнароднай прававой дапамогі па крымінальных справах на аснове прынцыпу ўзаемнасці вызначаны ў раздзеле XV Крымінальна-працэсуальнага кодэкса Рэспублікі Беларусь.

За час функцыянавання Следчага камітэта Рэспублікі Беларусь удалося наладзіць канструктыўнае ўзаемадзеянне не толькі з праваахоўнымі органамі дзяржаў-удзельніц СНД (Следчым камітэтам Расійскай Федэрацыі, Следчым дэпартаментам МУС Расіі, МУС Украіны, МУС Казахстана і інш), але і нашымі калегамі з іншых дзяржаў.

Следчы камітэт Рэспублікі Беларусь прымае актыўны ўдзел у распрацоўцы праектаў дагавораў аб прававой дапамозе па крымінальных справах і розных аспектах процідзеяння злачыннасці. Забяспечваецца ўдзел Следчага камітэта Рэспублікі Беларусь у працы нарад паўнамоцных прадстаўнікоў, экспертаў дзяржаў-членаў СНД па распрацоўцы і ўзгадненні шэрагу праектаў дагавораў аб міжнародна-прававым супрацоўніцтве і іншых у рамках СНД і Арганізацыі Дамовы аб калектыўнай бяспецы.

Умацаванню сувязяў з кампетэнтнымі органамі замежных дзяржаў шмат у чым спрыялі намаганні, накіраваныя на развіццё міжведамаснага супрацоўніцтва з замежнымі партнёрамі. Так, у ходзе візіту ў г.Мінск Старшыні Следчага камітэта Расійскай Федэрацыі Бастрыкіна А.І. 25 красавіка 2013 г. падпісана Пагадненне аб супрацоўніцтве паміж Следчым камітэтам Рэспублікі Беларусь і Следчым камітэтам Расійскай Федэрацыі. 

Дадзены міжнародны дагавор прадугледжвае новыя формы ўзаемадзеяння, такія як:
  • садзейнічанне ў падрыхтоўцы і павышэнні кваліфікацыі кадраў, у тым ліку шляхам накіравання ў навуковыя і адукацыйныя ўстановы;
  • садзейнічанне ў правядзенні даследчых праверак;
  • абмен вопытам работы і рознай інфармацыяй;
  • арганізацыя працоўных сустрэч і кансультацый па актуальных пытаннях;
  • правядзенне сумесных навуковых даследаванняў, навукова-практычных семінараў і канферэнцый і інш.
Пагадненне дазволіць максімальна дзейсна абараняць правы і законныя інтарэсы грамадзян і юрыдычных асоб, больш эфектыўна процідзейнічаць карупцыі і злачыннасці ў любых яе праявах.

Следчым камітэтам Рэспублікі Беларусь працягваецца праца па ўстанаўленні рабочых, дзелавых кантактаў з праваахоўнымі органамі замежных дзяржаў.

Апытанне Усе апытанні

Калі вы выпадкова знойдзеце зброю або боепрыпасы, што вы зробіце?