Следчы камiтэт
Канструктыўны дыялог па пытаннях абароны правоў непаўналетніх. Рабочая сустрэча прадстаўнікоў Следчага камітэта і ЮНІСЕФ
01.10.2019
Следчы камітэт і Прадстаўніцтва Дзіцячага Фонду ААН (ЮНІСЕФ) у Рэспубліцы Беларусь падтрымліваюць цесны канструктыўны дыялог па пытаннях абароны правоў непаўналетніх. 30 верасня кіраўнік ведамства Іван Наскевіч і намеснік Старшыні Следчага камітэта Сяргей Аземша прынялі з рабочым візітам Прадстаўніка ЮНІСЕФ у Рэспубліцы Беларусь доктара Рашэда Мустафу Сарвара. Удзел у гэтай сустрэчы таксама прынялі супрацоўнікі ўзаемадзейнічаючых бакоў.
Прадметам абмеркавання сталі мерапрыемствы, рэалізаваныя ў бягучым годзе згодна з планам супрацоўніцтва паміж Следчым камітэтам і Прадстаўніцтвам ЮНІСЕФ у Рэспубліцы Беларусь, зацверджаным у лютым 2019 года. Асабліва была адзначана значнасць і актуальнасць праведзеных рэгіянальных семінараў-трэнінгаў «Супрацьдзеянне дзіцячай парнаграфіі ў глабальнай сетцы Інтэрнэт: прававыя аспекты і тэхнічныя магчымасці», праведзеных у бягучым годзе ў Віцебску, Гомелі, Гродне і Магілёве.
Удзельнікі рабочай сустрэчы прыйшлі да адзінага меркавання аб высокай эфектыўнасці правядзення мерапрыемства ў такім фармаце, ўцягвання супрацоўнікаў іншых праваахоўных органаў у дыялог і канструктыўнае супрацоўніцтва пры забеспячэнні інтарэсаў непаўналетніх пры дасудовай крымінальнай вытворчасці.
У ходзе сустрэчы абмеркаваны перспектыўныя напрамкі развіцця далейшага супрацоўніцтва, шляхі пашырэння ўзаемных магчымасцяў у сферы аднаўленчага правасуддзя і ўсебаковага забеспячэння правоў непаўналетніх у крымінальным працэсе, у тым ліку ва ўмовах, дружалюбных дзецям.
Аддзел інфармацыі і сувязі з грамадскасцю
Апытанне Усе апытанні
Ці ўпэўненыя вы ў сваей абароненасці ад злачынных замахаў у Беларусі?
