Галоўная Узаемадзеянне са СМІ Навіны

На чарговым пасяджэнні калегіі Следчага камітэта разгледжана практыка расследавання крымінальных спраў карупцыйнага і эканамічнага кірунку

04.11.2014
Следчым камітэтам удзяляецца асобая ўвага дадзенай катэгорыі крымінальных спраў. 

Як адзначыў старшыня Следчага камітэта Рэспублікі Беларусь Валянцін Шаеў, важным аспектам пры расследаванні крымінальных спраў дадзенай катэгорыі з'яўляецца складанасць у выяўленні і стрыманні злачынных схем. «Такія злачынствы, як правіла, здзяйсняюцца групамі асоб, з'яўляюцца шматэпізоднымі, у сувязі з чым расследуюцца працяглы час. Гэта патрабуе ад следчых шырокага круга ведаў у эканоміцы, падаткаабкладанні, банкаўскай сферы і само сабой бескампраміснасці ў разглядзе рашэнняў аб прыцягненні да крымінальнай адказнасці асоб, якія здзяйсняюць крымінальна-каральнае дзеянне. Яскравым прыкладам такой работы з'яўляецца крымінальная справа ў дачыненні да былых намеснікаў старшыні Гомельскага аблвыканкама» – падкрэсліў старшыня. 

У цяперашнім годзе следчымі ўжо разгледжана болей за 3 тысячы заяў і паведамленняў аб эканамічных і карупцыйных злачынствах, па выніках разгляду якіх узбуджана 2500 крымінальных спраў. 

На дадзены момант у вытворчасці следчых падраздзяленняў знаходзіцца шэраг рэзанансных крымінальных спраў аб карупцыйных злачынствах у органах дзяржаўнай улады. 

Так, на завяршальным этапе расследавання знаходзіцца крымінальная справа ў дачыненні да рэктара дзяржаўнай установы адукацыі «Інстытут культуры Беларусі». Працягваюцца судовыя слуханні па крымінальнай справе, расследаванай Следчым камітэтам, у дачыненні да службовых асоб ААТ «Антасам» (жылы комплекс «Самацветы»). Уступіў у законную сілу прыгавор у дачыненні да былога генеральнага дырэктара будаўнічай фірмы «Аблічча». 

Агульная сума матэрыяльнага ўрону, устаноўленага па скончаных справах карупцыйнага і эканамічнага кірунку, у цяперашнім годзе склала болей за 135 млрд. рублёў. У ходзе следства забяспечана пакрыццё дадзенага матэрыяльнага ўрону ў поўным аб'ёме. 

Акрамя таго, следчымі праводзіцца прафілактычная работа, накіраваная на ўстанаўленне прычын і ўмоў, якія спрыяюць здзяйсненню прызначаных злачынстваў. На сістэматычнай аснове ўносяцца прадстаўленні ў дзяржаўныя органы і службовым асобам.