Галоўная Узаемадзеянне са СМІ Навіны

Следчым камітэтам устанаўліваюцца абставіны забойства дзвюх жанчын у Бабруйску

23.07.2018
Галоўным следчым упраўленнем расследуецца крымінальная справа па п. 1 ч. 2 арт. 139 (забойства двух асоб), распачатая па факце забойства двух жанчын 20 ліпеня ў Бабруйску.

Следствам устаноўлена, што 36-гадовы мужчына сумесна з 27-гадовай і 26-гадовай жанчынамі распіваў спіртныя напоі ў адной з забаўляльных устаноў горада. Пасля гэтага кампанія накіравалася дадому да мужчыны, дзе праз некаторы час абедзве дзяўчыны былі знойдзеныя мёртвымі.

На працягу трох дзён следча-аператыўная група цэнтральнага апарата Следчага камітэта працавала на месцы здарэння.

Па падазрэнні ў здзяйсненні злачынства затрыманы і дапытаны непрацуючы мужчына, раней судзімы за цяжкія і асабліва цяжкія злачынствы. Праведзены следчы эксперымент з удзелам падазраванага і праверка паказанняў на месцы. Па крымінальнай справе прызначана правядзенне судовых экспертыз.

У цяперашні час следствам рыхтуюцца матэрыялы для прад'яўлення 36-гадоваму мужчыну абвінавачання. Расследаванне працягваецца, устанаўліваюцца матывы здзяйснення злачынства і дачыненне затрыманага да іншых супрацьпраўных дзеянняў.

Аддзел інфармацыі і сувязі з грамадскасцю



Апытанне Усе апытанні

Калі вы выпадкова знойдзеце зброю або боепрыпасы, што вы зробіце?