Следчы камiтэт
У дачыненні да генеральнага дырэктара сталічнага прадпрыемства ўзбуджана крымінальная справа аб хабарніцтве
14.02.2019
Следчым упраўленнем УСК па г. Мінску па матэрыялах УБЭЗ ГУУС Мінгарвыканкама ўзбуджана крымінальная справа ў дачыненні да генеральнага дырэктара ААТ «Прыладабудаўнічы завод «Аптрон» па ч. 3 ст. 430 (атрыманне хабару ў асабліва буйным памеры) Крымінальнага кодэкса Рэспублікі Беларусь.
Паводле дадзеных следства, 13 лютага бягучага года генеральны дырэктар, знаходзячыся на працоўным месцы, атрымаў ад дырэктара іншага сталічнага прадпрыемства ў якасці хабару грашовыя сродкі на суму больш за дваццаць тысяч долараў за спрыяльнае вырашэнне пытанняў, што ўваходзяць у яго кампетэнцыю.
Атрыманне незаконнай грашовай узнагароды ўжыццяўлялася пры дапамаганні начальніка службы бяспекі і аховы таварыства, у дачыненні да якога ўзбуджана крымінальная справа па ч. 6 ст. 16, ч. 3 ст. 430 (дапамаганне ў атрыманні хабару, у асабліва буйным памеры) Крымінальнага кодэкса Рэспублікі Беларусь.
Мужчыны затрыманы, вырашаецца пытанне аб ужыванні да іх меры стрымання.
Расследаванне працягваецца.
Аддзел інфармацыі і сувязі з грамадскасцю
Падобныя навіны
Апытанне Усе апытанні
Ці ўпэўненыя вы ў сваей абароненасці ад злачынных замахаў у Беларусі?
