Звароты

Галоўная

Звароты

Звароты грамадзян і юрыдычных асоб

Разгляд зваротаў грамадзян і юрыдычных асоб ажыццяўляецца ў адпаведнасці з Законам Рэспублікі Беларусь ад 18 лiпеня 2011 года “Аб зваротах грамадзян і юрыдычных асоб” і іншымі нарматыўнымі прававымі актамі.

Указам Прэзідэнта Рэспублікі Беларусь ад 15.10.2007 № 498 «Аб дадатковых мерах па працы са зваротамі грамадзян і юрыдычных асоб» зацверджаны пералік дзяржаўных органаў, іншых арганізацый, адказных за разгляд зваротаў па сутнасці ў асобных сферах жыццядзейнасці насельніцтва. Дадзеным Указам вызначана, што звароты, незалежна ад таго, у які дзяржаўны орган ці іншую арганізацыю яны паступілі, першапачаткова падлягаюць разгляду па сутнасці ў адпаведнасці з кампетэнцыяй у мясцовых органах, ажыццяўляючых сваю дзейнасць і размешчаных у межах той адміністратыўна-тэрытарыяльнай адзінкі, на тэрыторыі якой узніклі пытанні, выкладзеныя у зваротах.

Пісьмовыя звароты

Электронныя звароты

Тэрміны падачы зваротаў

Тэрміны разгляду зваротаў

Выдаткі, звязаныя з разглядам зваротаў

Разгляд ананімных зваротаў

Адказнасць заяўнікаў за парушэнне заканадаўства пры падачы і разглядзе зваротаў

Скаргі на працэсуальныя дзеянні і рашэнні следчага, начальніка следчага падраздзялення

Асабісты прыём

Пісьмовыя звароты

Звароты складаюцца на беларускай або рускай мове.

Паштовы адрас цэнтральнага апарата Следчага камітэта Рэспублікі Беларусь для пісьмовых зваротаў: 220034, г. Мінск, вул. Фрунзе, д.19.

Паштовыя адрасы ўпраўленняў Следчага камітэта Рэспублікі Беларусь па абласцях і г.Мінску ўказаны ў раздзеле Кантакты.

Пісьмовыя звароты грамадзян павінны ўтрымліваць:

назву і (або) адрас арганізацыі альбо пасаду асобы, якім накіроўваецца зварот;
прозвішча, уласнае імя, імя па бацьку (калі такое ёсць) або ініцыялы грамадзяніна, адрас яго месца жыхарства (месца знаходжання);
выклад сутнасці звароту;
асабісты подпіс грамадзяніна (грамадзян).

Пісьмовыя звароты юрыдычнай асобы павінны ўтрымліваць:

назву і (або) адрас арганізацыі альбо пасаду асобы, якім накіроўваецца зварот;
поўную назву юрыдычнай асобы і яе месца знаходжання;
выклад сутнасці звароту;
прозвішча, уласнае імя, імя па бацьку (калі такое ёсць) або ініцыялы кіраўніка або асобы, упаўнаважанай ва ўстаноўленым парадку падпісваць звароты;
асабісты подпіс кіраўніка або асобы, упаўнаважанай ва ўстаноўленым парадку падпісваць звароты, завераную пячаткай юрыдычнай асобы.

Тэкст звароту павінен быць чытэльным. Рукапісныя звароты павінны быць напісаны выразным, разборлівым почыркам.

Да пісьмовых зваротаў, якія падаюцца прадстаўнікамі заяўнікаў, прыкладаюцца дакументы, якія пацвярджаюць іх паўнамоцтвы.

У зваротах павінна ўтрымлівацца інфармацыя аб выніках іх папярэдняга разгляду з далучэннем (пры наяўнасці) дакументаў, якія пацвярджаюць гэту інфармацыю.

Электронныя звароты

Электронныя звароты ў Следчы камітэт Рэспублікі Беларусь накіроўваюцца на адрас электроннай пошты (sk@sk.gov.by) альбо пры дапамозе электроннай формы “Электронны зварот”, размешчанай на дадзеным сайце.

Электронны зварот складаецца на беларускай або рускай мове.

Электронныя звароты грамадзян павінны ўтрымліваць:

назву і (або) адрас арганізацыі альбо пасаду асобы, якім накіроўваецца зварот;
прозвішча, уласнае імя, імя па бацьку (калі такое ёсць) або ініцыялы грамадзяніна, адрас месца яго жыхарства (месца знаходжання);
выклад сутнасці звароту;
адрас электроннай пошты грамадзяніна.

Электронны зварот юрыдычнай асобы павінен утрымліваць:

назву і (або) адрас арганізацыі альбо пасаду асобы, якой накіроўваецца зварот;
поўную назву юрыдычнай асобы і яе месца знаходжання;
выклад сутнасці звароту;
прозвішча, уласнае імя, імя па бацьку (калі такое ёсць) або ініцыялы кіраўніка або асобы, упаўнаважанай ва ўстаноўленым парадку падпісваць звароты;
адрас электроннай пошты юрыдычнай асобы.

Пры неадпаведнасці дадзеным патрабаванням электронныя звароты могуць быць пакінутыя без разгляду па сутнасці.

Адказы на электронныя звароты накіроўваюцца ў электронным выглядзе на адрас электроннай пошты, пазначаны ў электронным звароце, альбо ў пісьмовым выглядзе ў выпадках, устаноўленых Законам Рэспублікі Беларусь ад 18 лiпеня 2011 года “Аб зваротах грамадзян і юрыдычных асоб”.

Пісьмовыя і электронныя звароты маюць быць пакінутыя без разгляду па сутнасці ў выпадках, калі:

звароты не адпавядаюць патрабаванням, якія прад’яўляюцца да афармлення і зместу зваротаў;
звароты падлягаюць разгляду ў адпаведнасці з заканадаўствам аб канстытуцыйным судаводстве, грамадзянскім, грамадзянскім працэсуальным, гаспадарчым працэсуальным, крымінальна-працэсуальным заканадаўствам, заканадаўствам, якое вызначае парадак адміністрацыйнага працэсу, заканадаўствам аб адміністрацыйных працэдурах, звароты з’яўляюцца зваротамі працаўніка да наймаліка альбо ў адпаведнасці з заканадаўчымі актамі ўстаноўлены iншы парадак падачы і разгляду такіх зваротаў;
звароты змяшчаюць пытанні, вырашэнне якіх не адносіцца да кампетэнцыі Следчага камітэта Рэспублікі Беларусь;
прапушчаны без уважлівай прычыны тэрмін падачы скаргі;
заяўнікам пададзены паўторны зварот, у тым ліку занесены ў кнігу заўваг і прапаноў, і ў ім не змяшчаюцца новыя абставіны, якія маюць значэнне для разгляду звароту па сутнасці;
з заяўнікам спыненая перапіска па выкладзеных у звароце пытаннях.

Адкліканне звароту

У адпаведнасці з артыкулам 16 Закона Рэспублікі Беларусь «Аб зваротах грамадзян і юрыдычных асоб» заяўнік мае права адклікаць свой зварот да разгляду яго па сутнасці шляхам падачы адпаведнай пісьмовай заявы.

Паводле артыкула 25 Закона Рэспублікі Беларусь «Аб зваротах грамадзян і юрыдычных асоб» адкліканне электроннага звароту ажыццяўляецца шляхам падачы пісьмовай заявы або накірунку заявы ў электроннай форме тым жа спосабам, якім быў накірованы электронны зварот.

У выпадку адклікання заяўнікам свайго звароту арганізацыя, індывідуальны прадпрымальнік спыняюць разгляд гэтага звароту па сутнасці і вяртаюць заяўніку арыгіналы дакументаў, прыкладзеных да звароту.

Тэрміны падачы зваротаў

Згодна з палажэннямі артыкула 11 Закона Рэспублікі Беларусь «Аб зваротах грамадзян і юрыдычных асоб» падача заяўнікамі заяў і прапаноў тэрмінам не абмяжоўваецца.

Скаргі маюць быць пададзеныя заяўнікамі на працягу трох гадоў з дня, калi яны даведалiся або павiнны былi даведацца аб парушэнні іх правоў, свабод і (або) законных інтарэсаў. У выпадку, калі названы тэрмін прапушчаны па ўважлівай прычыне (цяжкае захворванне, інваліднасць, працяглая камандзіроўка і інш.), наяўнасць якой пацверджана адпаведнымі дакументамі, прадстаўленымі заяўнікам, гэты тэрмін падлягае аднаўленню па рашэнні кіраўніка арганізацыі або індывідуальнага прадпрымальніка, і скарга разглядаецца ў парадку, устаноўленым Законам Рэспублікі Беларусь «Аб зваротах грамадзян і юрыдычных асоб».

Тэрміны разгляду зваротаў

Артыкул 17 Закона Рэспублікі Беларусь «Аб зваротах грамадзян і юрыдычных асоб» вызначае тэрміны разгляду зваротаў.

Ход тэрмінаў, якія вызначаюцца месяцамі або днямі, пачынаецца з дня, наступнага за днём рэгістрацыі звароту ў арганізацыі, унясення заўваг і (або) прапаноў у кнігу заўваг і прапаноў і вылічваецца ў месяцах або каляндарных днях.

Тэрмін разгляду зваротаў, накіраваных у арганізацыі для разгляду ў адпаведнасці з іх кампетэнцыяй, вылічваецца з дня, наступнага за днём рэгістрацыі зваротаў у гэтых арганізацыях.

Тэрмін разгляду зваротаў, які вылічваецца месяцамі, заканчваецца ў адпаведны дзень апошняга месяца гэтага тэрміну. Калі заканчэнне тэрміну, які вылічваецца месяцамі, прыпадае на месяц, у якім няма адпаведнага дня, то тэрмін разгляду зваротаў заканчваецца ў апошні дзень гэтага месяца.

Калі апошні дзень тэрміну разгляду зваротаў прыпадае на нерабочы дзень, то днём заканчэння тэрміну лічыцца першы наступны за ім рабочы дзень.

Пісьмовыя звароты павінны быць разгледжаныя не пазней за пятнаццаць дзён, а звароты, якія патрабуюць дадатковага вывучэння і праверкі, - не пазней за адзін месяц, калі іншы тэрмін не ўстаноўлены заканадаўчымі актамі.

У выпадку, калі для вырашэння выкладзеных у зваротах пытанняў неабходныя здзяйсненне вызначаных дзеянняў (выкананне работ, аказанне паслуг), атрыманне інфармацыі з замежнай дзяржавы ў тэрміны, якія перавышаюць месячны тэрмін, заяўнікам у тэрмін не пазней аднаго месяца з дня, наступнага за днём паступлення звароту, накіроўваецца пісьмовае паведамленне аб прычынах перавышэння месячнага тэрміну і тэрмінах здзяйснення такіх дзеянняў (выканання работ, аказання паслуг) або тэрмінах разгляду зваротаў па сутнасці.

Выдаткі, звязаныя з разглядам зваротаў

Артыкулам 19 Закона Рэспублікі Беларусь «Аб зваротах грамадзян і юрыдычных асоб» устаноўлена, што звароты разглядаюцца без спагнання платы, аднак, выдаткі, панесеныя арганізацыямі, індывідуальнымі прадпрымальнікамі ў сувязі з разглядам неабгрунтаваных зваротаў, якія сістэматычна накіроўваюцца (больш за тры разы на працягу года) у адну і тую ж арганізацыю, да аднаго і таго ж індывідуальнага прадпрымальніка ад аднаго і таго ж заяўніка, а таксама зваротаў, якія ўтрымліваюць загадзя ілжывыя звесткі, могуць быць спагнаныя з заяўнікаў у судовым парадку ў адпаведнасці з заканадаўствам.

Разгляд ананімных зваротаў

Ананімныя звароты, гэта значыць звароты заяўнікаў, у якіх не пададзеныя прозвішча, уласнае імя, імя па бацьку (калі такое маецца) або ініцыялы грамадзяніна або адрас яго месца жыхарства (месца знаходжання), альбо назва юрыдычнай асобы (поўная або скарочаная), або яе месца знаходжання, не падлягаюць разгляду, калі яны не ўтрымліваюць звестак аб учыненым злачынстве, злачынстве, якое рыхтуецца або ўчыняецца.

Адказнасць заяўнікаў за парушэнне заканадаўства пры падачы і разглядзе зваротаў

Падача заяўнікамі зваротаў, якія змяшчаюць паклёп або абразы, альбо здзяйсненне імі пры падачы і разглядзе зваротаў іншых супрацьпраўных дзеянняў цягнуць за сабой адказнасць у адпаведнасці з заканадаўчымі актамі.

Скаргі на працэсуальныя дзеянні і рашэнні следчага, начальніка следчага падраздзялення

Скаргі на працэсуальныя дзеянні і рашэнні следчага, начальніка следчага падраздзялення разглядаюцца ў тэрміны і парадку, прадугледжаныя Крымінальна-працэсуальным кодэксам Рэспублікі Беларусь.

Правам абскарджання такіх дзеянняў і рашэнняў валодаюць:

удзельнікі крымінальнага працэсу;
іншыя фізічныя і юрыдычныя асобы, калі працэсуальныя дзеянні і рашэнні закранаюць іх інтарэсы.

Скаргі могуць быць пададзены ў вуснай ці пісьмовай форме. Вусныя скаргі ўносяцца ў пратакол, які падпісваюць заяўнік і службовая асоба, якая прыняла скаргу. Іншых формаў падачы скаргаў Крымінальна-працэсуальным кодэксам Рэспублікі Беларусь не прадугледжана.

Скаргі на дзеянні і рашэнні следчага, начальніка следчага падраздзялення могуць быць пададзены на працягу ўсяго тэрміну папярэдняга следства. Пасля накіравання крымінальнай справы ў суд любыя хадайніцтвы і скаргі па справе накіроўваюцца непасрэдна ў суд.

Асабісты прыём

У адпаведнасці з абзацам 4 падпункта 1.1 пункта 1 Дырэктывы Прэзідэнта Рэспублікі Беларусь ад 27.12.2006 № 2 «Аб дэбюракратызацыі дзяржаўнага апарату і павышэнні якасці забеспячэння жыццядзейнасці насельніцтва» прыём грамадзян, у тым ліку індывідуальных прадпрымальнікаў, іх прадстаўнікоў, прадстаўнікоў юрыдычных асоб у цэнтральным апараце Следчага камітэта Рэспублікі Беларусь ажыццяўляецца супрацоўнікамі аддзела па працы са зваротамі грамадзян у рабочыя дні з 8.00 да 18.00 па адрасе: г. Мінск, вул. Фрунзе, д. 19, у тым ліку па папярэднім запісе па тэлефонах (8017) 389-52-67, (8017) 389-52-65.

Пры сабе неабходна мець асабовае пасведчанне. Рэкамендуецца таксама мець адказы на папярэднія звароты ці іншыя неабходныя для разгляду пытання дакументы.

ГРАФІК

асабістага прыёму грамадзян, іх прадстаўнікоў, прадстаўнікоў юрыдычных асоб кіраўніцтвам Следчага камітэта Рэспублікі Беларусь

Старшыня Следчага камітэта Рэспублікі Беларусь	Гара Дзмітрый Юр'евіч	першая серада месяца з 8 да 13 гадзін
Першы намеснік Старшыні Следчага камітэта Рэспублікі Беларусь	Шандаровіч Алег Станіслававіч	другая серада месяца з 8 да 13 гадзін пятая серада студзеня-красавіка з 8 да 13 гадзін
Намеснік Старшыні Следчага камітэта Рэспублікі Беларусь	Васільеў Анатоль Іванавіч	трэцяя серада месяца з 8 да 13 гадзін пятая серада мая-жніўня з 8 да 13 гадзін
Намеснік Старшыні Следчага камітэта Рэспублікі Беларусь	Аземша Сяргей Якаўлевіч	чацвёртая серада месяца з 8 да 13 гадзін пятая серада верасня-снежня з 8 да 13 гадзін

Старшыня Следчага камітэта Рэспублікі Беларусь і яго намеснікі праводзяць асабісты прыём па пытаннях, якія адносяцца да кампетэнцыі Следчага камітэта Рэспублікі Беларусь, як правіла, па папярэднім запісе.

Пытанне аб запісе на асабісты прыём да Старшыні Следчага камітэта Рэспублікі Беларусь разглядаецца на падставе скаргі на рашэнні намеснікаў Старшыні Следчага камітэта Рэспублікі Беларусь, якая змяшчае просьбу аб асабістым прыёме, як правіла, пасля ажыццяўлення асабістага прыёму намеснікам Старшыні Следчага камітэта Рэспублікі Беларусь.

Пытанне аб папярэднім запісе на асабісты прыём да намеснікаў Старшыні Следчага камітэта Рэспублікі Беларусь разглядаецца на падставе скаргі на рашэнні начальнікаў структурных падраздзяленняў цэнтральнага апарата Следчага камітэта Рэспублікі Беларусь.

Апытанне Усе апытанні

Ці ўпэўненыя вы ў сваей абароненасці ад злачынных замахаў у Беларусі?

Наступнае апытанне

Звароты

Апытанне Усе апытанні

Камітэт у рэгіёнах