Настройкі
Настройкі шрыфта
PT Sans
Times New Roman
Памер шрыфта
A
A
A
Адлегласць паміж літарамі
Стандартнае
Павялічанае
Вялікае
Колеравая схема
Чорным
па беламу
Белым
па чорнаму
Следчы камітэт
Рэспублікі Беларусь
Галоўная Узаемадзеянне са СМІ Навіны

У Рагачоўскім раёне знойдзены парэшткі салдата Чырвонай арміі

04.05.2020
Рагачоўскім раённым аддзелам Следчага камітэта праводзіцца праверка па факце знаходжання касцяных парэштак чалавека ў лясным масіве недалёка ад аўтадарогі Рагачоў - Бабруйск.

У канцы сакавіка бягучага года жыхар Рагачова, які знаходзіўся ў лесе ў раёне вёскі Стрэнькі, знайшоў фрагменты костак і некалькі старых прадметаў, пакрытых іржой. Аб сваёй знаходцы мужчына паведаміў у міліцыю.

На месца здарэння выбыла следча-аператыўная група. Пры аглядзе згаданага ўчастка мясцовасці былі канфіскаваныя касцяныя астанкі чалавека, а таксама частка рыдлёўкі, фрагменты рамяня і абутку, алюмініевая лыжка, гільзы і ваенная каска, у якой знаходзіліся фрагменты дакументаў.

Выяўленыя касцяныя астанкі накіраваныя ў УДКСЭ па Гомельскай вобласці для правядзення медыка-крыміналістычнай экспертызы. Паводле папярэдніх высноў экспертаў, па часе яны адносяцца да перыяду Вялікай Айчыннай вайны.


Знойдзеныя фрагменты дакументаў былі накіраваны для даследавання ва ўпраўленне па ўвекавечанні памяці абаронцаў Айчыны і ахвяр войнаў Узброеных Сіл Рэспублікі Беларусь. Згодна з вынікамі даследавання, якія паступілі следчым, фрагменты з'яўляюцца часткамі ваеннага білета радавога Фешчанка Пятра Майсеевіча - ураджэнца вёскі Уласы Камарынскага раёна Палескай вобласці (цяпер тэрыторыя Хойніцкага раёна Гомельскай вобласці), які лічыўся як зніклы без вестак у гады вайны.

У цяперашні час праводзіцца работа па пошуку сваякоў вайскоўца. Пасля завяршэння праверкі касцяныя астанкі будуць перададзеныя для пахавання і ўшанавання памяці загінулага.

Афіцыйны прадстаўнік УСК па Гомельскай вобласці
Марыя Крываногава

Фота УДКСЭ па Гомельскай вобласці