Кіраўнікі структурных падраздзяленняў цэнтральнага апарату Следчага камітэта на чале са старшынёй ведамства Дзмітрыем Гарой усклалі кветкі да манумента Перамогі і ўшанавалі мінутай маўчання памяць герояў, якія загінулі ў баях Вялікай Айчыннай вайны.

"Дзень Перамогі для кожнага беларуса мае выключнае значэнне і высокую каштоўнасць, - адзначыў Дзмітрый Гара. - Мы абавязаны помніць, што барацьба з нямецка-фашысцкімі захопнікамі каштавала савецкаму народу вялікіх намаганняў, каласальных ахвяр і незаменных страт. Але без гэтай Вялікай Перамогі не было б ні беларускага народа, ні беларускай дзяржаўнасці".

"Сёння наш свяшчэнны абавязак - быць дастойнымі подзвігу пакалення герояў-пераможцаў", - падкрэсліў Дзмітрый Гара.

Крыніца: БелТА.