Галоўным следчым упраўленнем завершана расследаванне крымінальнай справы аб забойстве супрацоўніка Дзяржаўнай інспекцыі аховы жывёлы і расліннага свету.

Следствам сабраны доказы таго, што раніцай 11 красавіка 2015 года ў ходзе правядзення кантрольна-палявых мерапрыемстваў па выяўленні і стрыманні парушэнняў прыродаахоўнага заканадаўства старшы дзяржаўны інспектар Аршанскай міжраённай інспекцыі аховы жывёлы і расліннага свету пры Прэзідэнце Рэспублікі Беларусь Раўкоў Генадзь Іванавіч, пры нясенні службы знаходзячыся ў форменным абмундзіраванні з нагрудным знакам і знакамі адрознення, выявіў на тэрыторыі лавітва-ўгоддзяў недалёка ад в. Пятрашы Талачынскага раёна Віцебскай вобласці мужчыну з расчахлёным і сабраным паляўнічым ружжом. Супрацоўнік інспекцыі прадставіўся і правамерна патрэбаваў ад мужчыны спыніцца і прад'явіць адпаведныя дакументы.

Апошні не падпарадкоўваўся законнаму патрабаванню, паспрабаваў схавацца. Будучы дагнаным старшым інспектарам, мужчына стрэліў у яго з блізкай адлегласці з паляўнічага ружжа. Пасля гэтага ён знік з месца злачынства і прыняў меры да скрывання прылады злачынства. Супрацоўнік інспекцыі ад атрыманага агнястрэльнага ранення памёр на месцы.

Егер, які прымаў удзел разам з Раўковым Г.І. у мерапрыемстве, неадкладна паведаміў аб адбытым ў праваахоўныя органы, назваў дадзеныя асобы, якая выстраліла. Па падазрэнні ў здзяйсненні злачынства ў той ж дзень супрацоўнікі міліцыі затрымалі 55-гадовага жыхара Талачына. Раней ён неаднаразова прыцягваўся да адміністрацыйнай адказнасці, у тым ліку  за захоўванне паляўнічага ружжа з мінулым тэрмінам дазволу на права захоўвання. У 2005 годзе прыцягваўся да крымінальнай адказнасці за здзяйсненне крадзяжу.

Па крымінальнай справе праведзены вялікі аб'ём следчай работы: праведзены дэталёвы агляд месца выпадку з прымяненнем магчымасцей крыміналістычнай лабараторыі, у ходзе якога выяўлена прылада забойства – незарэгістраванае паляўнічае ружжо, дапытаны сведкі і падазроны, праведзены 3 следчых эксперымента, праверка паказанняў падазронага на месцы, мноства экспертных даследаванняў, у тым ліку па агнястрэльнай зброі. Па выніках судова-псіхіятрычнай экспертызы падазроны прызнаны разумным у дачыненні да ўчыненыга. 

Акрамя таго, у ходзе расследавання крымінальнай справы следчымі выяўлены факт незаконнага набыцця, перавозкі і захоўвання боепрыпасаў затрыманым.

Па сукупнасці сабраных доказаў па крымінальнай справе, галоўным следчым упраўленнем мужчыну прад'яўлена абвінавачанне па п. 10 ч. 2 арт. 139 (забойства асобы ў сувязі з ажыццяўленнем ім службовай дзейнасці), ч. 2 арт. 295 (незаконнае набыццё, перавозка і захоўванне боепрыпасаў) Крымінальнага кодэкса Рэспублікі Беларусь. На ўвесь час следства ў дачыненні да абвінавачванага прыменена мера стрымання ў выглядзе заключэння пад варту.

Крымінальная справа вывучана пракурорам і накіравана ў суд.

Відэа праверкі паказанняў абвінавачванага на мясцовасці:

Каментарый начальніка аддзела інфармацыі і сувязі з грамадскасцю Сяргея Кабаковіча: