Упраўленнем Следчага камітэта па Мінскай вобласці завершана расследаванне крымінальнай справы ў дачыненні да былога намесніка галоўнага ўрача па тэхніцы медыцынскай установы «Мінская абласная дзіцячая клінічная бальніца», які быў затрыманы ў студзені 2018 года за атрыманне хабару.

Па дадзеных следства, службовая асоба, у кола абавязкаў якога ўваходзіла ажыццяўленне адміністрацыйна-гаспадарчых функцый медустановы, сістэматычна выкарыстоўвала службовыя паўнамоцтвы ў карыслівых мэтах.

Устаноўлена, што ў перыяд з мая 2015 года па снежань 2017 года ён неаднаразова атрымліваў хабар ад прадстаўнікоў будаўнічых арганізацый за прыцягненне іх у якасці падрадчыкаў для выканання работ па бягучым рамонце на аб'ектах медыцынскай установы, заключэнне з імі дагавораў падраду, станоўчую прыёмку выкананых імі работ і іх своечасовую аплату.

Следствам сабраны доказы па 24 фактах перадачы службовай асобе грашовых сродкаў на агульную суму больш за 46 тысяч рублёў.

У рамках расследавання праведзены допыты работнiкаў, службовых асоб, ператрусы, агляды дакументаў, якія тычацца гаспадарчай і тэхнічнай дзейнасці медустановы, шэраг крыміналістычных экспертыз. Накладзены арышт на маёмасць фігуранта.

Мужчыну прад'яўленае абвінавачванне па ч. 1, 2 арт. 430 Крымінальнага кодэкса Рэспублікі Беларусь (атрыманне хабару, у тым ліку паўторна і буйным памеры).

Мера стрымання ў выглядзе заключэння пад варту, ужытая ў дачыненні да абвінавачанага з пачатку папярэдняга следства, засталася нязменнай.

У рамках расследавання крымінальнай справы ўнесена прадстаўленне аб прыняцці дзейсных мер да ліквідацыі адзначаных следчым парушэнняў закона, прычын і ўмоў, якія садзейнічалі ўчыненню карупцыйных злачынстваў у дзяржаўнай установе.

Афіцыйны прадстаўнік УСК па Мінскай вобласці

Таццяна Беланог