У вытворчасці Галоўнага следчага ўпраўлення знаходзіцца крымінальная справа ў дачыненні да двух мужчын і адной жанчыны, якія маюць дачыненне да забойства шасці людзей і прыгатавання да забойства яшчэ аднаго. 

Падставай да ўзбуджэння крымінальнай справы паслужылі матэрыялы праверкі, праведзенай Міністэрствам унутраных спраў па паведамленні аб прыгатаванні да забойства 51-гадовага жыхара г.Магілёва. 

У ходзе расследавання крымінальнай справы дадзеная інфармацыя пацвердзілася. Акрамя таго, следчымі былі атрыманы даныя аб датычнасці абвінавачваных да забойства яшчэ шасці жыхароў Магілёўскай вобласці, целы якіх вывозілі і закопвалі на розных могілках. Матывам злачынства ў кожным выпадку выступалі грашовыя сродкі, атрыманыя ад продажу кватэр.

Дзеянні абвінавачваных следствам кваліфікаваны па ч.2 арт.139 (забойства, учыненае пры абставінах, якія абцяжваюць) Крымінальнага кодэкса Рэспублікі Беларусь. У дачыненні да іх прыменена мера стрымання ў выглядзе заключэння пад варту.

Для каардынацыі дзеянняў і арганізацыі работы следча-аператыўнай групы ў Магілёў выбываў Старшыня Следчага камітэта. У ходзе аператыўнай нарады главе ведамства былі даложаны вынікі і аб'ём праведзенага расследавання. 

Крымінальная справа ўзята на асабісты кантроль Валянціна Шаева.

У цяперашні час даследаванне абставін злачыннай дзейнасці абвінавачваных працягваецца. Правяраецца іх датычнасць да здзяйснення іншых злачынстваў на тэрыторыі Рэспублікі Беларусь. 

Валянцін Шаеў на аглядзе месца выпадку ў Магілёўскай вобласці: