→
Следчыя працягваюць працаваць на месцы аварыі верталёта ў Гомельскай вобласці
26.04.2016
Галоўным следчым упраўленнем па факце аварыі верталёта Мі-24П каля г.Мазыра ўзбуджана крымінальная справа па ч.1 арт.465 (парушэнне правіл палётаў або падрыхтоўкі да іх) Крымінальнага кодэкса Рэспублікі Беларусь.
Вызначана, што 25 красавіка каля 16 гадзін падчас планавай пасадкі на пляцоўку прызямлення па-за аэрадромам адбылася аварыя верталёта Мі-24П, у выніку якой верталёт атрымаў механічныя пашкоджанні. Экіпаж верталёта жывы. У раёне пляцоўкі прызямлення разбурэнняў няма.
Следчыя працягваюць працаваць на месцы аварыі: праведзены агляд месца выпадку, дапытаны сведкі, забраны ўзоры паліва і другія тэхнічныя вадкасці, прызначаны судовыя экспертызы, вывучаецца лётная і тэхнічная дакументацыя, бартавыя самапісцы.