Віцебскі гарадскі аддзел праводзіць праверку па факце падзення непаўналетняга з тэхнічнага паверху балкона вышыннага дома ў Віцебску.

Устаноўлена, што 11 чэрвеня ў 16.45 у Кастрычніцкі РАУС Віцебска з медыцынскай установы паступіла паведамленне аб тым, што з траўмамі дастаўлены малалетні ад аднаго з вышынных дамоў па вуліцы Праўды ў Віцебску. Ад атрыманых цяжкіх цялесных пашкоджанняў хлопчык, не прыходзячы ў прытомнасць, памёр у рэанімацыйным аддзяленні.

Паводле папярэдняй інфармацыі, дзесяцігадовы хлопчык знаходзіўся на балконе лесвічнай пляцоўкі пятага паверха вышыннага дома па вуліцы Праўды, дзе вісеў на руках на агароджы балкона, крычаў, клікаў на дапамогу, пасля чаго сарваўся і ўпаў на казырок дома.

Следчымі высвятляюцца прычыны трагедыі, што здарылася, апытваюцца сведкі, прызначана судова-медыцынская і дактыласкапічная экспертызы.

Сям'я, у якой пражываў хлопчык, па месцы жыхарства характарызуецца станоўча, у сацыяльна небяспечным становішчы не знаходзіцца.

Афіцыйны прадстаўнік УСК па Віцебскай вобласці

Святлана Сахарава