Упраўленнем Следчага камітэта па Гродзенскай вобласці высвятляюцца абставіны забойства, учыненага ў адной з бальніц г.Гродна. 

Вечарам 3 чэрвеня ў адну з медыцынскіх устаноў г.Гродна паступіў мужчына, 1959 года нараджэння, з захворваннем сардэчна-сасудзістай сістэмы. Ноччу ў пацыента на фоне хваробы пагоршыўся псіхічны стан. Зайшоўшы ў палату, у якой на лячэнні знаходзіліся пажылыя жанчыны, ён нанёс ім табурэткай, рукамі і нагамі ўдары па розных частках цела. У выніку гэтых дзеянняў адна з пацыентак памерла, а траім прычынены пашкоджанні рознай ступені цяжару.

Неадкладна на месца выпадку выбылі следчыя ўпраўлення Следчага камітэта па Гродзенскай вобласці, супрацоўнікі міліцыі і спецыялісты Дзяржаўнага камітэта судовых экспертыз.

У ходзе выбыцця праведзены агляд месца выпадку, дапытаны пацыенты і персанал бальніцы, забрана і вывучаецца медыцынская дакументацыя. Мужчына затрыманы. У дачыненні да яго ўпраўленнем Следчага камітэта па Гродзенскай вобласці ўзбуджана крымінальная справа па артыкуле «забойства».

Па крымінальнай справе назначана правядзенне шэрагу экспертыз, у тым ліку псіхалага-псіхіятрычная ў дачыненні да падазронага.

У ходзе расследавання асобая ўвага ўдзяляецца ўстанаўленню прычын і ўмоў, якія садзейнічалі здзяйсненню злачынства.