Стан работы з грамадзянамі з'яўляецца адным з асноўных крытэрыяў ацэнкі дзейнасці дзяржаўных органаў, таму дадзеная работа адчувае патрэбу ў пастаянным удасканальванні, пошуку новых форм адваротнай сувязі з насельніцтвам, у тым ліку шляхам аналізу і маніторынгу зваротаў, болей актыўнай работы прамых тэлефонных ліній, выязных прыёмаў, асабістай сувяззю кіраўнікоў следчых падраздзяленняў з заяўнікамі. 

Як падкрэсліў Старшыня Следчага камітэта Іван Наскевіч, цэнтрам увагі ўсіх супрацоўнікаў ведамства павінен быць чалавек, які звярнуўся са сваёй праблемай.

«Абарона праў і законных інтарэсаў заяўнікаў заўсёды займала галоўнае месца ў рабоце следчых падраздзяленняў. Усе пытанні павінны вырашацца своечасова і кваліфікавана, у рамках кампетэнцыі і закона», – канстатаваў кіраўнік ведамства. 

Заслухаўшы і абмеркаваўшы інфармацыю аб стане работы следчых органаў на дадзеным напрамку, калегіяй прыняты шэраг рашэнняў, якімі прадугледжаны арганізацыйна-практычныя мерапрыемствы па павышэнні выніковасці работы ведамства з насельніцтвам, прыняцці мер, прызваных забяспечыць дадатковую даступнасць і аператыўнасць рашэння надзённых праблем кожнага чалавека, недапушчэнні фактаў праяў бюракратызму, зацягвання тэрмінаў разгляду, непавагі да людзей, абыякавасці да іх лёсаў і патрэбнасцей, далейшаму ўдасканальванні заканадаўства ў сферы работы са зваротамі грамадзян і юрыдычных асоб.