У цэнтральным апараце Следчага камітэта 9 лістапада з удзелам Старшыні Івана Наскевіча адбылася рабочая сустрэча прадстаўнікоў ведамства з вучонымі з Расіі і Украіны. 

Запрошанымі гасцямі мерапрыемства сталі загадчыца аддзела праблем крымінальнага судаводства Расійскага дзяржаўнага універсітэта правасуддзя доктар юрыдычных навук Аксана Качалава і загадчыца кафедры крымінальнага працэсу Нацыянальнага юрыдычнага універсітэта імені Яраслава Мудрага доктар юрыдычных навук Аксана Капліна.

Акрамя таго, яны ж з'яўляюцца членамі рэдакцыйнага савета навукова-практычнага журнала «Папярэдняе расследаванне», заснавальнікам якога з'яўляецца Следчы камітэт Рэспублікі Беларусь.

У ходзе візіту абмеркаваны праблемныя пытанні правадастасавання пры дасудовым вядзенні, напрамку далейшага супрацоўніцтва ў навуковай сферы, у тым ліку на пляцоўцы журнала.

Падводзячы вынікі, Іван Наскевіч адзначыў канструктыўнасць узаемаадносін паміж Следчым камітэтам і зарубежнымі ўдзельнікамі сустрэчы, наяўнасць патэнцыялу ў супрацоўніцтве. Глава ведамства таксама падзякаваў гасцям за асабісты ўдзел у станаўленні і развіцці ведамаснага журнала і гатоўнасць да перспектыўных сумесных праектаў у навукова-практычнай сферы.

Аддзел аналізу практыкі папярэдняга расследавання