Бераставіцкім раённым аддзелам Следчага камітэта распачата крымінальная справа па факце парушэння правілаў дарожнага руху, якое пацягнула па неасцярожнасці смерць чалавека (ч.2 арт.317 Крымінальнага кодэкса Рэспублікі Беларусь).

4 ліпеня каля 11 гадзін у гарадскім пасёлку Вялікая Бераставіца ў двары свайго дома была знойдзена 34-гадовая жанчына без прыкмет жыцця. Следчымі пры непасрэдным удзеле экспертаў і супрацоўнікаў органаў унутраных спраў праведзены агляд месца здарэння. Здзейснена фіксацыя і канфіскацыя слядоў і аб'ектаў, неабходных для наступнага высвятлення ўсіх абставінаў таго, што адбылося.

Паводле папярэдніх высноў экспертаў упраўлення Дзяржаўнага камітэта судовых экспертыз на целе жанчыны маюцца цялесныя пашкоджанні, характэрныя для дарожна-транспартнага здарэння.

Для высвятлення таго, што адбылося, пачата правядзенне шэрагу экспертыз, такіх як транспартна-трасалагічная для ўстанаўлення абставінаў дарожна-транспартнага здарэння, аўтатэхнічная для вызначэння тэхнічнага стану аўтамабіля на прадмет наяўнасці няспраўнасцяў, судова-медыцынская ў дачыненні да загінулай. Дапытваюцца сваякі, суседзі і знаёмыя загінулай для ўстанаўлення магчымых відавочцаў. Праводзяцца іншыя следчыя і працэсуальныя дзеянні.

Грамадзяне, якiя валодаюць інфармацыяй аб тым, што здарылася, могуць аказаць дапамогу ў расследаванні, патэлефанаваўшы па тэлефонах: 8 (01511) 2-10-02 або 102.

Афіцыйны прадстаўнік УСК па Гродзенскай вобласці

Сяргей Шаршаневіч

Афіцыйны прадстаўнік УДКСЭ па Гродзенскай вобласці

Марыя Лешык