→
УСК па г. Мінску расследуе справу аб смерці 23-гадовага гандбаліста
15.09.2014
Упраўленнем Следчага камітэта Рэспублікі Беларусь па г.Мінску расследуецца крымінальная справа аб прычыненні цяжкіх цялесных пашкоджанняў 23-гадоваму гандбалісту аднаго са сталічных спартыўных клубаў.
Вызначана, што 7 верасня цяперашняга года спартсмен, выходзячы з начнога клуба, пасварыўся з раней незнаёмым яму мужчынам наконт чарговасці пасадкі ў аўтамабіль таксі. У ходзе канфлікту, які ўзнік на дадзенай падставе, гандбаліст упаў ад атрыманага ўдару апанента.
Па дарозе дадому спартсмену стала дрэнна, ён страціў прытомнасць і быў шпіталізаваны брыгадай хуткай медыцынскай дапамогі, якую выклікаў знаёмы, які суправаджаў яго. Пацярпелы, не прыходзячы ў прытомнасць, памёр у бальніцы праз тыдзень пасля здарэння.
Праведзенымі следчымі дзеяннямі і аператыўнымі мерапрыемствамі вызначана асоба другога ўдзельніка канфлікту – гэта жыхар Мінскай вобласці, 1988 г.р. Яго дзеянні следчымі кваліфікаваны па ч.1 арт.147 Крымінальнага кодэкса Рэспублікі Беларусь (наўмыснае прычыненне цяжкага цялеснага пашкоджання).
У гэты час з падазроным працуюць следчыя. Па справе прызначаны шэраг экспертыз, у тым ліку судова-медыцынская.
Праводзяцца следчыя дзеянні.