Следчым камітэтам расследуецца крымінальная справа ў дачыненні да службовых асоб ААТ «Гомельскі мясакамбінат», Гомельскага аблвыканкама і Міністэрства сельскай гаспадаркі і харчавання.

Крымінальная справа ўзбуджана Камітэтам дзяржаўнай бяспекі і перададзена ў СК для далейшага расследавання.

Галоўным упраўленнем па расследаванні злачынстваў у сферы арганізаванай злачыннасці і карупцыі Следчага камітэта вызначана, што незабеспячэнне належных умоў захоўвання мясной прадукцыі на Гомельскім мясакамбінаце з мая па снежань 2015 года прывяло да пашкоджання болей за 100 тон мяса. Дырэктар прызначанага ААТ, заручыўшыся падтрымкай першага намесніка старшыні Гомельскага аблвыканкама і намесніка міністра сельскай гаспадаркі і харчавання – дырэктара Дэпартамента ветэрынарнага і харчовага нагляду, насуперак патрабаванням нарматыўных актаў, якія прадпісваюць утылізацыю такой прадукцыі, арганізаваў перапрацоўку і рэалізацыю сапсаванага мяса, што паставіла ў небяспеку жыццё і здароўе грамадзян.

У цесным узаемадзеянні з Камітэтам дзяржаўнага кантролю следствам зараз праводзіцца работа па збору доказнай базы. Атрыманы дадзеныя аб тым, што адным з матываў учынення злачынства службовымі асобамі з'явілася імкненне схаваць сапраўднае палажэнне спраў на прадпрыемстве, дапушчаную безгаспадарчасць з боку кіраўніцтва, а таксама боязь негатыўных наступстваў для сябе. 

Следствам прыняты меры па выяўленні і адабранні сапсаванай прадукцыі, якая ў гэты час накіравана на утылізацыю.

Па крымінальнай справе ў якасці падазроных і абвінавачваных прыцягнуты больш за дзесяць чалавек. Іх дзеянні кваліфікаваны па ч.3 арт.424 (злоўжыванне ўладай і службовымі паўнамоцтвамі) Крымінальнага кодэкса Рэспублікі Беларусь. 

Расследаванне працягваецца.