Следчым упраўленнем УСК па Магілёўскай вобласці ўзбуджана крымінальная справа па факце парушэння правілаў дарожнага руху і эксплуатацыі транспартных сродкаў асобай, якая кіруе транспартным сродкам у стане алкагольнага ап'янення, што прывяло да смерці чалавека па неасцярожнасці (ч. 4 арт. 317 Крымінальнага кодэкса Рэспублікі Беларусь).

Устаноўлена, што 7 ліпеня 2018 года, каля 12 гадзін у в. Старое Пашкова Магілёўскага раёна 49-гадовы мясцовы жыхар, знаходзячыся ў стане алкагольнага ап'янення, кіруючы трактарам «МТЗ» з прычэпам, які рухаўся па праезнай частцы вул. Бярозаўская, не справіўся з кіраваннем і здзейсніў наезд на пешахода, 1967 года нараджэння, які рухаўся па абочыне.

У выніку ДТЗ пешаходу прычынены цялесныя пашкоджанні, з якімі ён шпіталізаваны. Нягледзячы на тое, што лекарамі была аказана неабходная медыцынская дапамога, выратаваць мужчыну не ўдалося.

Пасля здзейсненага ДТЗ кіроўца трактара з месца здарэння ўцёк, пакінуўшы пацярпелага на праезнай частцы. Аднак дзякуючы сельскім жыхарам, яго асоба была ўстаноўлена і праз непрацяглы час мужчына быў затрыманы.

Кіроўца быў дастаўлены на медыцынскі агляд, дзе ў крыві ў яго выяўлена 1,7 праміле алкаголю.

Акрамя таго, у ходзе далейшага разбору ўстаноўлена, што вадзіцель эксплуатаваў транспартны сродак, не маючы права кіравання.

У межах крымінальнай справы прызначаны судова-медыцынская, аўтатэхнічная, трасалагічная экспертызы, ажыццяўляецца допыт падазраванага, збіраюцца матэрыялы, якія характарызуюць асобу мужчыны, устанаўліваюцца ўсе абставіны ўчыненага злачынства.

Афіцыйны прадстаўнік УСК па Магілёўскай вобласці

Аксана Салянюк