Следчы камiтэт
Аб камітэце
Следчы камітэт – адзіная і цэнтралізаваная сістэма дзяржаўных праваахоўных органаў, якія з'яўляюцца органамі папярэдняга следства і ажыццяўляюць паўнамоцтвы ў сферы вядзення дасудовага крымінальнага працэсу.
Следчы камітэт з'яўляецца ваенізіраванай арганізацыяй, мае афіцыйныя геральдычныя сімвалы.
Следчы камітэт падпарадкоўваецца Прэзідэнту Рэспублікі Беларусь.
У падначаленні Следчага камітэта могуць знаходзіцца арганізацыі, якія забяспечваюць дзейнасць Следчага камітэта.
Прававой асновай дзейнасці Следчага камітэта з'яўляюцца Канстытуцыя Рэспублікі Беларусь, дадзены Закон, прававыя акты Прэзідэнта Рэспублікі Беларусь, крымінальна-працэсуальнае заканадаўства, iншыя акты заканадаўства і міжнародныя дамовы Рэспублікі Беларусь.
Калі міжнародным дагаворам Рэспублікі Беларусь устаноўлены іншыя правілы, чым тыя, якiя прадугледжаны гэтым Законам, прымяняюцца правiлы мiжнароднага дагавора Рэспублiкi Беларусь.
Дзейнасць Следчага камітэта ажыццяўляецца на прынцыпах:
- законнасці;
- адкрытасці і галоснасці ў той меры, у якой гэта не супярэчыць патрабаванням заканадаўства аб абароне правоў і законных інтарэсаў грамадзян Рэспублікі Беларусь, замежных грамадзян і асоб без грамадзянства (далей, калі не вызначана іншае, - грамадзяне), аб дзяржаўных сакрэтах, таямніцы папярэдняга следства і іншай таямніцы, якая ахоўваецца заканадаўчымі актамі;
- адзінства сістэмы Следчага камітэта і цэнтралізацыі кіравання;
- незалежнасці пры ажыццяўленні сваіх паўнамоцтваў ад дзейнасці іншых дзяржаўных органаў, палітычных партый, іншых грамадскіх аб'яднанняў і іншых арганізацый.
Асноўнымі задачамі Следчага камітэта з'яўляюцца:
- усебаковае, поўнае, аб'ектыўнае і аператыўнае расследаванне злачынстваў у адпаведнасці з паслядоўнасцю, устаноўленай крымінальна-працэсуальным заканадаўствам;
- абарона правоў і законных інтарэсаў грамадзян, арганізацый, абарона дзяржаўных і грамадскіх інтарэсаў, захаванне законнасці пры праверцы заяў і паведамленняў аб злачынствах, распачынанні крымінальных спраў, ажыццяўленні папярэдняга следства;
- удасканаленне следчай працы, укараненне ў практыку дасягненняў навукі і тэхнікі, карыснага вопыту, прагрэсіўных формаў і метадаў арганізацыі папярэдняга следства;
- выяўленне парушэнняў закона, прычын і ўмоў, якія садзейнічалі здзяйсненню злачынстваў, прыняцце захадаў па іх ліквідацыі;
- удзел у межах сваёй кампетэнцыі ў рэалізацыі дзяржаўнай крымінальнай палітыкі, распрацоўка прапаноў па ўдасканаленні прававога рэгулявання ў сферы праваахоўнай дзейнасці;
- ажыццяўленне ў межах сваёй кампетэнцыі міжнароднага супрацоўніцтва ў сферы вядзення дасудовага крымінальнага працэсу.
Следчы камітэт ажыццяўляе сваю дзейнасць ва ўзаемадзеянні з іншымі дзяржаўнымі органамі і іншымі арганізацыямі, у тым ліку праваахоўнымі органамі і іншымі арганізацыямі замежных дзяржаў, міжнароднымі арганізацыямі, і грамадзянамі ў адпаведнасці з заканадаўчымі актамі і міжнароднымі дамовамі Рэспублікі Беларусь.
Дзяржаўныя органы, іншыя арганізацыі і іх службовыя асобы ў межах сваёй кампетэнцыi абавязаны аказваць садзейнічанне Следчаму камітэту ў выкананні ўскладзеных на яго задач.
Грамадзяне могуць добраахвотна аказваць садзейнічанне Следчаму камітэту ў выкананні ўскладзеных на яго задач.
Сістэму Следчага камітэта складаюць:
- цэнтральны апарат Следчага камітэта;
- упраўленні Следчага камітэта па абласцях і горадзе Мінску;
- раённыя (міжраённыя), гарадскія, раённыя ў гарадах аддзелы Следчага камітэта.
Закон Рэспублікі Беларусь ад 13 ліпеня 2012 года “Аб Следчым камітэце Рэспублікі Беларусь” (вытрымка).
Апытанне Усе апытанні
Ці хочаце вы часцей чытаць інтэрв'ю са следчымі на нашым сайце?
