Следчы камiтэт
Абвінавачаны ў разбойным нападзе на АЗС у Віцебску зняволены
22.06.2018
Віцебскім гарадскім аддзелам Следчага камітэта расследуецца крымінальная справа аб разбойным нападзе на АЗС.
Устаноўлена, што непрацуючы раней неаднаразова судзімы жыхар Віцебска 19 чэрвеня прыблізна ў 23 гадзіны прыйшоў у памяшканне АЗС па вуліцы Ленінградскай. Пагражаючы прадаўцу нажом, мужчына завалодаў грашовымі сродкамі ў суме больш за 530 рублёў, пасля чаго хутка пакінуў памяшканне. Па дарозе ён выкінуў кепку, акуляры і пальчаткі, а таксама манеты, якія раней выкраў з касы. Пазней ён быў затрыманы супрацоўнікамі АМАП па вуліцы Чкалава абласнога цэнтра. Пры сабе ў яго канфіскавана частка выкрадзеных грашовых сродкаў.
Падчас агляду месца здарэння па адной з вуліц Гарадоцкай следчымі былі знойдзены і канфіскаваны кепка, акуляры, пальчаткі і манеты. Падазраваны рыхтаваўся да здзяйснення злачынства: за дзень да нападу ён вывучаў мясцовасць у раёне аўтазаправачнай станцыі і загадзя набыў кепку, акуляры і пальчаткі.
Следчымі прад'яўлена абвінавачанне 27-гадоваму мужчыну па частцы 2 артыкула 207 Крымінальнага кодэкса Рэспублікі Беларусь - разбой, здзейснены паўторна. Ён раней неаднаразова судзімы за крадзеж, рабаванне, аналагічны разбойны напад і спробу згону аўтамабіля. Да затрыманага прыменена мера стрымання ў выглядзе заключэння пад варту.
Следчыя дапыталі сведак, правялі апазнанне па крымінальнай справе, канфіскавалі відэазапіс камер назірання на АЗС, усталёўваюць абставіны ўчыненага злачынства.
Расследаванне крымінальнай справы працягваецца.
Афіцыйны прадстаўнік УСК па Віцебскай вобласці
Святлана Сахарава
Устанавіць ісціну – справа гонару
12.09.2025
