Беларуская дэлегацыя на чале з Іванам Наскевічам прыбыла ў Санкт-Пецярбург на сумеснае пасяджэнне калегій следчых ведамстваў трох краін

Галоўная

Узаемадзеянне са СМІ

Навіны

Беларуская дэлегацыя на чале з Іванам Наскевічам прыбыла ў Санкт-Пецярбург на сумеснае пасяджэнне калегій следчых ведамстваў трох краін

27.04.2017

Сёння, 27 красавіка, у горадзе Санкт-Пецярбургу адбудзецца першае сумеснае пасяджэнне калегій Следчых камітэтаў Рэспублікі Арменія, Рэспублікі Беларусь і Расійскай Федэрацыі.

Беларускі бок у рабоце форума прадстаўляе дэлегацыя Следчага камітэта, якую ўзначальвае Старшыня Іван Наскевіч.

У рамках трохбаковага пасяджэння будуць абмеркаваны пытанні бяспекі, процідзеяння сучасным выклікам і пагрозам, каардынацыі дзеянняў праваахоўных органаў, аператыўнага абмену перадавымі практыкамі расследавання злачынстваў і прававога супрацоўніцтва ў цэлым.

«Тэматыка форума надта актуальная і вельмі сугучная беларускаму знешнепалітычнаму курсу, бо пытанні, якія абмяркоўваюцца, з'яўляюцца агульнымі для ўсіх дзяржаў» – падкрэсліў Іван Наскевіч.

Плануецца падпісанне падагульняючых дакументаў па пытаннях далейшага ўмацавання і ўдасканальвання ўзаемадзеяння на стадыі дасудовай крымінальнай вытворчасці.