Да матэрыялаў крымінальнай справы аб ДТЗ на Лагойскім тракце дададзены відэазапіс сутыкнення

Галоўная

Узаемадзеянне са СМІ

Навіны

Да матэрыялаў крымінальнай справы аб ДТЗ на Лагойскім тракце дададзены відэазапіс сутыкнення

03.04.2016

Упраўленнем Следчага камітэта па г. Мінску высвятляюцца абставіны ДТЗ, якое адбылося 3 красавіка на Лагойскім тракце. Каля 10 гадзін матацыкл Honda CBR-600 сутыкнуўся з маршрутным таксі Volkswagen Crafter.

У выніку сутыкнення адбылося ўзгаранне матацыкла і маторнага адсека маршрутнага таксі, якое пасля было ліквідавана супрацоўнікамі МНС. Два чалавека, вадзіцель і пасажыр матацыкла, загінулі. Акрамя таго, шпіталізавана пасажырка таксі, яе жыццю ў дадзены момант нічога не пагражае.

УСК па г. Мінску ўзбуджана крымінальная справа па ч.3 арт. 317 (парушэнне правіл дарожнага руху, якое выклікала па неасцярожнасці смерць двух людзей).

У рамках расследавання ажыццяўляецца комплекс следчых дзеянняў, накіраваных на ўстанаўленне абставін адбытага, дапытваюцца сведкі і відавочцы. З месца выпадку забраны рэчавыя доказы, у тым ліку відэазапіс сутыкнення, які дададзены да матэрыялаў крымінальнай справы. Прызначаны шэраг экспертных даследаванняў.

Следчыя звяртаюцца да грамадзян, якія валодаюць звесткамі аб здарэнні, запісамі электронных прылад відэарэгістрацыі і другой інфармацыяй аб здарэнні, звярнуцца па тэлефонах 102 або (017) 389-50-02 для аказання дапамогі ў расследаванні.

ДТЗ на Лагойскім тракце (03.04.2016): Агляд месца здарэння.

ДТЗ на Лагойскім тракце (03.04.2016): каментарый Аляксандра Герасімава.

Следчы камітэт нагадвае, што кошт кожнай памылкі пры кіраванні матацыклам несувымерна вышэй за кошт памылкі пры яздзе за рулём аўтамабіля. Няверны выбар хуткаснага рэжыму, а таксама няправільная ацэнка счэпных уласцівасцей асфальту могуць прывесці да самых сур'ёзных наступстваў. Матацыкліст спрадвечна падвержаны большай небяспецы, любое падзенне часта становіцца прычынай сур'ёзных траўм, таму ні ў якім выпадку нельга эканоміць на сродках абароны./i>

Нярэдка прычынай здарэнняў становіцца так званая «ілюзія вопыту», калі праз некалькі год язды матацыкліст лічыць, што яму па сілах на дарозе абсалютна ўсё.

Асабліва актуальная праблема ДТЗ з удзелам матацыклаў вясной, калі яны ізноў з'яўляюцца на дарогах пасля зімы, за якую аўтамабілісты забываюць аб падобным суседстве на дарогах.

Строга выконвайце Правілы дарожнага руху, беражыце сябе!