Следчы камiтэт
«Галоўнае – стаўленне да справы і найстражэйшае прытрымліванне дысцыпліны». Іван Наскевіч наведаў з рабочай паездкай Віцебскую вобласць
15.07.2016
Старшыня Следчага камітэта прыняў удзел у аператыўнай нарадзе УСК па Віцебскай вобласці, на якой былі падведзены вынікі работы, абмеркаваны стан службовай дысцыпліны тэрытарыяльных і структурных падраздзяленняў УСК у першым паўгоддзі 2016 года.
У рабоце нарады таксама прымалі ўдзел кіраўнікі сілавых ведамстваў Віцебскай вобласці.
У ходзе работы было разгледжана пытанне аб выніках праверкі прытрымлівання следчымі падраздзяленнямі УСК патрабаванняў закона пры разглядзе заяў і паведамленняў па фактах смерці і гібелі грамадзян, аналізу прычын і ўмоў, якія садзейнічалі гібелі грамадзян у першым паўгоддзі 2016 года.
З дакладамі выступілі начальнік упраўлення Уладзімір Шалухін, кіраўнікі раённых падраздзяленняў, здзейсніўся абмен меркаваннямі ўдзельнікаў нарады па разгляданым пытанням. Старшыня адзначыў, што «сёлета падраздзяленні ўпраўлення Следчага камітэта па Віцебскай вобласці, дзякуючы прынятым мерам і кіраўніцкім рашэнням, па шэрагу асноўных напрамкаў службовай дзейнасці спрацавалі эфектыўна і дасягнулі станоўчых вынікаў у сферы аператыўнасці расследавання, пакрыцця ўрону, прычыненага злачынствамі».
«Аднак маюць месца факты пастановы судамі апраўдальных прыгавораў па прычыне дапушчаных следчымі недахопаў пры вытворчасці папярэдняга следства, а таксама назіраецца нізкі паказчык заканчэння крымінальных спраў у парадку паскоранай вытворчасці» – падкрэсліў Іван Наскевіч.
Старшыня нагадаў, што цяперашні год у Следчым камітэце аб'яўлены годам прыняцця дадатковых мер па пакрыццю прычыненага ўрону і звярнуў увагу прысутных, што трэба своечасова выяўляць і накладаць арышт на маёмасць падазроных.
«Эфектыўнасць нашай дзейнасці напрамую звязана з якасным камплектаваннем і замяшчэннем кадраў, таму арыентую кіраўнікоў на правядзенне мэтанакіраванай і сістэмнай работы ў гэтым напрамку: скарачэнне некамплекту, павышэнне прафесійнага ўзроўню супрацоўнікаў, а таксама чалавечыя адносіны да нашых падначаленых», – звярнуў увагу Іван Наскевіч.
Асобую ўвагу, па меркаванні Старшыні, трэба ўдзяліць пытанню выканання службовай дысцыпліны.
Адным з пунктаў парадку дня з'явілася таксама ўзнагароджанне следчых Віцебшчыны. Іван Наскевіч ва ўрачыстай абстаноўцы павіншаваў супрацоўнікаў і ўручыў ім дзяржаўныя ўзнагароды і Ганаровыя граматы.
14 ліпеня рабочы візіт у Віцебскую вобласць Івана Наскевіча працягнуўся наведваннем тэрытарыяльных падраздзяленняў УСК па Віцебскай вобласці. Асабіста падачыняўшыся з кіраўнікамі і супрацоўнікамі Бешанковіцкага, Сенненскага і Чашніцкага раённых аддзелаў Іван Наскевіч адзначыў, што кіраўніцтвам УСК прыняты меры для стварэння супрацоўнікам умоў для ажыццяўлення іх прафесійнай дзейнасці і выкананню задач па ўсебаковым, поўным, аб'ектыўным і аператыўным расследаванні злачынстваў.
Асобая ўвага кіраўнік ведамства ўдзяліў маладым супрацоўнікам: вывучыў шэраг крымінальных спраў, якія знаходзяцца ў вытворчасці маладых следчых, высветліў, як ажыццяўляецца настаўніцтва ў раённых падраздзяленнях, якія навучальныя ўстановы скончылі маладыя спецыялісты.
Асабіста камунікуючы са следчымі, якія маюць невялікі стаж практычнай работы, Іван Наскевіч з задавальненнем адзначыў іх імкненне авалодаць прафесійнымі навыкамі, жаданне рэалізаваць свае тэарэтычныя веды ў практычнай дзейнасці.
Не пакінуў без увагі Старшыня і парадак вядзення на месцах справаводства, стан і аснашчэнне архіваў, забеспячэнне захаванасці рэчавых доказаў, асобую ўвагу звярнуў на парадак звароту са зброяй пры нясенні службы ў складзе следча-аператыўнай групы.
Па выніках наведвання тэрытарыяльных падраздзяленняў Старшыня даў указанні па паляпшэнні некаторых умоў для якаснага выканання службовых задач следчымі ў Бешанковіцкім і Сенненскім РАСК.
«УСК па Віцебскай вобласці займае перадавую пазіцыю сярод падраздзяленняў Рэспублікі ў адпаведнасці з методыкай адзнакі эфектыўнасці следчай работы па статыстычных паказчыках. Рэзерваў для павышэння эфектыўнасці і вяршэння службовай дзейнасці ў Віцебскай вобласці дастаткова, галоўнае – стаўленне да справы і найстражэйшае прытрымліванне дысцыпліны», - падвёў вынік рабочай паездкі па Віцебскай вобласці Іван Наскевіч.
Афіцыйны прадстаўнік УСК па Віцебскай вобласці
Святлана Сахарава
Устанавіць ісціну – справа гонару
12.09.2025
