Іван Наскевіч пракаменціраваў шэраг рэзанансных крымінальных спраў

Галоўная

Узаемадзеянне са СМІ

Навіны

Іван Наскевіч пракаменціраваў шэраг рэзанансных крымінальных спраў

22.06.2016

Перад пачаткам пятага Усебеларускага народнага сходу Старшыня Следчага камітэта Іван Наскевіч адказаў на пытанні журналістаў, якія тычацца расследавання шэрагу рэзанансных крымінальных спраў.

Фігуранту справы аб нападзе на настаўніцу мінскай гімназіі ў бліжэйшай будучыні прад'явяць абвінавачанні, паведаміў журналістам глава ведамства.

«Расследаванне справы працягваецца, у нас ужо ёсць канкрэтныя вынікі. Мы атрымалі заключэнне геномнай экспертызы, у адпаведнасці з якой уся кроў на адзенні, на рукзаку затрыманай асобы, належыць менавіта пацярпелай, – сказаў Іван Наскевіч. – Гэта дае нам падставы лічыць яго падазроным па справе. Найхутчэй, мы менавіта яму прад'явім абвінавачанне ва ўчыненні нападу на настаўніцу гімназіі».

Па справе адміністратара сайта 1863x.com кіраўнік следчага ведамства паведаміў, што яму прад'яўлена абвінавачанне па ч.1 арт.130 (распальванне расавай, нацыянальнай ці рэлігійнай варожасці або розніцы) і па ч.2 арт.343 (выраб і распаўсюджванне парнаграфічных матэрыялаў або прадметаў парнаграфічнага характару) Крымінальнага кодэкса Рэспублікі Беларусь.

«Гэта значыць па тых ж артыкулах, па якім вылучалася ў дачыненні да яго падазрэнне. У прынцыпе, усё па справе ясна. Расследаванне не зацягнецца» – падкрэсліў Іван Наскевіч.

Па дадзеных следства, адміністратар сайта размясціў дзевяць матэрыялаў, якія ўтрымліваюць прыкметы распальвання нацыянальнай варожасці, а таксама распаўсюдзіў у сеткі два порнакалажа.

У ходзе размовы з журналістамі Старшыня Следчага камітэта раскрыў прычыну смерці васьмімесячнай дзяўчынкі ў Мінску, а таксама расказаў на якім этапе знаходзіцца расследаванне крымінальнай справы па дадзеным факце. Нагадаем, што дадзены выпадак горача абмяркоўваўся ў грамадстве.

«Расследаванне гэтай крымінальнай справы знаходзіцца на завяршальнай стадыі. У адпаведнасці з вывадамі экспертызы, смерць наступіла ў выніку траўматычнай ампутацыі рукі з развіццём масіўнай крывастраты і гемарагічнага шоку. У нас ёсць усе падставы меркаваць, што руку адгрыз сабака, з прычыны чаго і адбылася крывастрата. Таксама ў адпаведнасці з вывадамі спецыялістаў, якімі мы валодаем, можам зрабіць вывад, што дзіця ў момант выпадку было жывое. Канчатковае абвінавачанне маці дзяўчынкі прад'яўлена па ч.3 арт.159 (пакіданне ў небяспецы) Крымінальнага кодэкса Рэспублікі Беларусь. Абвінавачваная азнаёміцца са справай, і справа будзе накіравана ў суд», – паведаміў кіраўнік Следчага камітэта.

Таксама Іван Наскевіч расказаў пра ход расследавання справы дырэктара дэпартамента судзейства і інспектавання асацыяцыі «Беларуская федэрацыя футбола» Андрэя Жукава. Як перадавалася раней, ён быў затрыманы ў сваім рабочым кабінеце, у дачыненні да яго была ўзбуджана крымінальная справа па ч.1 арт.430 КК Беларусі (атрыманне хабару).

«Расследаванне ў дачыненні да Жукава пакуль толькі на першапачатковым этапе. Магу дадаць, што ў нас ёсць яшчэ некалькі эпізодаў, па якім у бліжэйшы час яму будзе прад'яўлена абвінавачанне. Мера стрымання застаецца ранейшай – заключэнне пад варту» – расказаў Старшыня.

Не пакінуў без увагі Іван Наскевіч і пытанне па справе аб нядаўнім ДТЗ на вул. Магілёўскай, у выніку якога загінулі дзве дзяўчыны.

«Там няпростая сітуацыя. Справа прадстаўляе асобую складанасць. Вадзіцель заняў пазіцыю, што ён на кароткі прамежак часу страціў свядомасць. Гэта накладае адпячатак на доказны бок» – пракаменціраваў сітуацыю Іван Наскевіч.