Следчы камiтэт
Іван Наскевіч: «Следчы камітэт – па-за палітыкай»
22.12.2016
Старшыня Следчага камітэта Іван Наскевіч у эфіры тэлеканала АНТ пракаменціраваў шэраг рэзанансных крымінальных спраў, а таксама адказаў на іншыя пытанні вядучага праграмы «Трэба разабрацца» Грыгорыя Кісяля.
Прыводзім падборку выказванняў Івана Наскевіча па розных тэмах, якія абмяркоўваліся ў ходзе перадачы.
Аб выніках «года пакрыцця ўрону» у Следчым камітэце
«Мы прынялі шэраг арганізацыйных мер, паставілі ў абавязак кожнаму следчаму ў найбольш кароткія тэрміны прымаць меры па накладанні арышту на маёмасць падазроных і абвінавачваных асоб. Гэта займела сваё дзеянне.
У грашовым выяўленні памер кампенсаванага ўрону па крымінальных справах і кошт маёмасці, арыштаванай у забеспячэнне пакрыцця ўрону, склаў парадку 700 млрд недэмінаваных рублёў.
Што тычыцца рэзанансных спраў, то па справе «Нафтана» мы кампенсавалі ўрон дзяржаве на 100%, як і па справе «Белграна»».
Аб заканатворчай дзейнасці ведамства
«Следчы заўсёды знаходзіцца на вастрыі праблемы. Напрыклад, у ходзе расследавання крымінальнай справы аб гібелі шасці людзей у выніку атручэння чадным газам у Барысаве было вызначана, што ў нас у краіне адсутнічае адзіны дзяржаўны орган, які забяспечвае газавую бяспеку для грамадзян. Мы падрыхтавалі адпаведны ліст у Савет Міністраў і, наколькі я інфармаваны, камісіі па надзвычайных сітуацыях пры Саўміне даручана распрацаваць нарматыўныя дакументы па стварэнні дзяржаўнага газавага нагляду ў Беларусі».
Аб расследаванні трагедыі ў ТЦ «Новая Еўропа»
«Правядзенне экспертызы ў дачыненні да абвінавачванага завершана, яе вынікі дададзены да матэрыялаў крымінальнай справы. Па заключэнні экспертызы ён прызнаны адэкватным, авбінавачваны у поўнай меры асэнсоўваў свае дзеянні і кіраваў імі. У гэты момант праводзяцца працэсуальныя дзеянні, накіраваныя на заканчэнне расследавання. Калі не будуць зацягнуты тэрміны азнаямлення са справай, то яно яшчэ сёлета будзе накіравана ў суд».
Аб кадравай палітыцы ведамства
«Мы хочам бачыць у шэрагах следчых людзей граматных і адданых сваёй справе. І мне здаецца, што мы ў гэтым дачыненні дасягаем пэўных поспехаў».
Аб карупцыі ў ведамстве
«За 2016 год я ўзбудзіў 5 крымінальных спраў у дачыненні да 6 супрацоўнікаў Следчага камітэта. Так атрымліваецца, што наша прафілактычная работа, накіраваная на процідзеянне карупцыі, не прывяла да чаканага эфекту. Я магу ў дадзенай сітуацыі прынесці прабачэнні за сваіх супрацоўнікаў і запэўніць вас, што работу па ачышчэнні сваіх шэрагаў мы будзем працягваць».
Аб добраахвотных памочніках следчых
«Мы разглядаем іх як пэўны рэестр кандыдатаў на службу ў Следчым камітэце. Мы мяркуем, што ў іх лік увойдуць студэнты старшых курсаў вышэйшых навучальных устаноў або іншыя маладыя людзі, якія хацелі б паступіць на службу ў ведамства».
Аб справах аб распальванні розніцы
«Палітыка – асобна, Следчы камітэт – асобна. Для нас гэта тры з 85,5 тысяч крымінальных спраў. Не болей за тое».
«Зараз узбуджана тры крымінальныя справы ў дачыненні да, як іх называюць, «русафілаў». Літаральна месяц назад быў асуджаны малады чалавек, якога называлі «русафобам». Вясной гэтага года мы накіравалі ў суд крымінальную справу ў дачыненні да асоб, якія сваімі дзеяннямі фарміравалі непрыязнасць да цыганскай нацыянальнасці. Свабода слова заканчваецца там, дзе пачынаюцца дзеянні, накіраваныя на распальванне нацыянальнай розніцы і варожасці».
Поўную версію перадачы «Трэба разабрацца» глядзіце на сайце ont.by і нашым канале на Youtube.
Устанавіць ісціну – справа гонару
12.09.2025
