Следчы камiтэт
Магілёўскія следчыя высвятляюць абставіны двух забойстваў, учыненых 15 і 16 чэрвеня
18.06.2018
УСК па Магілёўскай вобласці расследуюцца крымінальныя справы па прыкметах складу злачынства, прадугледжанага арт.139 Крымінальнага кодэкса Рэспублікі Беларусь (забойства).
Следча-аператыўнай групай, што выбыла 16 чэрвеня ў дачны дом, размешчаны ў в. Вербкі Бабруйскага раёна, устаноўлена, што раней у той жа дзень у працэсе сумеснага распівання спіртных напояў 64-гадовая пенсіянерка нажом нанесла свайму сужыцелю, 1969 года нараджэння, пранікальнае раненне ў вобласць спіны. Пасля таго, што адбылося, жанчына сама ж і выклікала брыгаду хуткай медыцынскай дапамогі. Медыцынскія работнікі, якія прыбылі на месца, канстатавалі смерць.
Таксама 16 чэрвеня ў Магілёве было знойдзена цела мужчыны, 1933 года нараджэння, у яго доме.
На месца здарэння неадкладна выбыла следча-аператыўная група, якая зрабіла агляд дома, у якім адбылося злачынства, а цела мужчыны было накіравана ва ўпраўленне Дзяржаўнага камітэта судовых экспертыз Рэспублікі Беларусь па Магілёўскай вобласці для ўстанаўлення прычыны смерцi. У ходзе даследаванняў выяўлена, што смерць з'яўляецца гвалтоўнай і наступіла ад траўматычнага шоку.
Праведзенымі следчымі дзеяннямі было ўстаноўлена, што пацярпелага збіў яго сваяк, 1959 года нараджэння. У ходзе допыту затрыманы прызнаўся, што, будучы ў стане алкагольнага ап'янення, падчас сваркі, якая раптам узрасла на падставе асабістых непрыязных адносін, неаднаразова падвяргаў мужчыну збіццю, нанёсшы яму рукамі мноства ўдараў па розных частках цела, у тым ліку ў жыццёва важныя органы.
У цяперашні час праводзяцца следчыя дзеянні, накіраваныя на вызначэнне абставінаў злачынстваў, у тым ліку матываў іх здзяйснення. У гэтых мэтах даследуюцца рэчавыя доказы, вывучаецца лад жыцця пацярпелых і падазроных.
Афіцыйны прадстаўнік УСК па Магілёўскай вобласці
Аксана Салянюк
Фота: УДКСЭ па Магілёўскай вобласці
Устанавіць ісціну – справа гонару
12.09.2025
