Магілёўскімі следчымі расследуецца крымінальная справа аб махлярстве, здзейсненым у буйным памеры

Галоўная

Узаемадзеянне са СМІ

Навіны

Магілёўскімі следчымі расследуецца крымінальная справа аб махлярстве, здзейсненым у буйным памеры

28.05.2018

Магілёўскім міжраённым аддзелам Следчага камітэта расследуецца крымінальная справа ў дачыненні да Кораня Алега Станіслававіча, 1973 года нараджэння, ураджэнца г. Оршы Віцебскай вобласці, які падазраецца ў махлярстве, здзейсненым у буйным памеры (ч.3 арт.209 Крымінальнага кодэкса Рэспублікі Беларусь).

Па дадзеных следства падазраваны на розных падставах пазычаў грашовыя сродкі, абяцаючы вярнуць у самыя кароткія тэрміны, пры гэтым загадзя не намерваўся выконваць прынятыя на сябе абавязацельствы. Такім чынам, у перыяд з лютага 2011 года па чэрвень 2016 года падазраваны завалодаў грашовымі сродкамі ў памеры больш за 20 тысяч рублёў. Прысвоеныя грошы ён выдаткаваў на асабістыя патрэбы.

У ходзе следства пацярпелымі прызнана 6 грамадзян, якія далі паказанні пра факты перадачы 45-гадоваму мужчыну грашовых сродкаў.

У цяперашні час праводзяцца мерапрыемствы па ўсталяванні ўсіх эпізодаў супрацьпраўнай дзейнасці фігуранта крымінальнай справы. На маёмасць падазраванага накладзены арышт.

У следчых ёсць падставы меркаваць, што фактаў супрацьпраўнай дзейнасці мужчыны можа быць больш. У сувязі з гэтым звяртаемся з просьбай да грамадзян, якія пацярпелі ад дзеянняў Кораня А.С., паведаміць пра гэта ў Магілёўскі міжраённы аддзел Следчага камітэта па тэлефонах: 8 (0222) 29-81-28; +375333994004 (з 9:00 да 18:00 гадзін).

Афіцыйны прадстаўнік УСК па Магілёўскай вобласці

Аксана Салянюк