Мінчанін абвінавачваецца ў раскраданні грашовых сродкаў з банкаўскіх карт іншаземцаў

Галоўная

Узаемадзеянне са СМІ

Навіны

Мінчанін абвінавачваецца ў раскраданні грашовых сродкаў з банкаўскіх карт іншаземцаў

19.09.2019

Следчым упраўленнем УСК па г.Мінску ў пачатку верасня 2019 года ўзбуджана крымінальная справа па факце раскрадання шляхам выкарыстання камп'ютэрнай тэхнікі.

Праз некалькі дзён супрацоўнікамі УРЗСВТ ГУУС Мінгарвыканкама ў ходзе правядзення аператыўна-вышуковых мерапрыемстваў затрыманы падазроны. Ім аказаўся 24-гадовы малады чалавек.

Некалькі гадоў назад мінчанін з выкарыстаннем крыптавалюты набыў у адным са спецыялізаваных магазінаў у сетцы Інтэрнэт рэквізіты банкаўскіх плацежных карт, эмітаваных банкаўскімі ўстановамі ЗША, Бельгіі, Ізраіля, Вялікабрытаніі і другіх дзяржаў.

Згодна з матэрыяламі крымінальнай справы, малады чалавек стаў займацца продажам паліва па выгадным для грамадзян кошце. Сутнасць проціпраўнай дзейнасці знаходзілася ў тым, што пакуль уладальнікі карт нават не падазравалі аб тым, што з іх рахункаў выкрадаюцца грошы, фігурант, выкарыстоўваючы мабільныя дадаткі АЗС, уносіў дадзеныя карт замежных грамадзян і набываў паліва. Дадзенае паліва малады чалавек рэалізоўваў як сваім знаёмым, так і звычайным грамадзянам.

З чэрвеня па жнівень 2019 года шляхам несанкцыяніраванага доступу да карт-рахункаў малады чалавек выкраў грашовыя сродкі ў памеры больш за 24 тысячы рублёў, і спрабаваў выкрасці яшчэ больш за 30 тысяч рублёў.

Мужчыну прад'яўлена абвінавачанне па ч.1 арт.14, ч.4 арт.212 Крымінальнага кодэкса Рэспублікі Беларусь. Да яго прыменена мера стрымання ў выглядзе закладу. Віну ён прызнаў у поўным аб'ёме.

Таксама, у дачыненні да гэтага ж маладога чалавека 13 верасня цяперашняга года следчым упраўленнем УСК па горадзе Мінску ўзбуджана яшчэ адна крымінальная справа. Падобным спосабам мужчыну ўдалося выкрасці з карт-рахункаў іншаземцаў грашовыя сродкі на суму больш за 60 тысяч рублёў у эквіваленце.

Следчымі праведзены вобыск па месцы жыхарства абвінавачванага і яго сваякоў, накладзены арышт на маёмасць коштам больш за 45 тысяч рублёў. Праваахоўнікамі працягваецца правядзенне следчых дзеянняў і аператыўна-вышуковых мерапрыемстваў па ўстанаўленні іншых эпізодаў проціпраўнай дзейнасці абвінавачванага, у тым ліку аплаты паслуг байкшэрынга і каршэрынга.

Афіцыйны прадстаўнік УСК па горадзе Мінску

Кацярына Гарлінская