Следчы камiтэт
На рабочай сустрэчы Старшыні Следчага камітэта з Генеральным пракурорам Узбекістана абмеркаваны пытанні ўмацавання двухбаковага ўзаемадзеяння
10.07.2017
У цэнтральным апараце Следчага камітэта Рэспублікі Беларусь 10 ліпеня 2017 г. адбылася рабочая сустрэча Старшыні Следчага камітэта Рэспублікі Беларусь Івана Наскевіча з дэлегацыяй Генеральнай пракуратуры Рэспублікі Узбекістан на чале з Генеральным пракурорам Іхціёрам Абдулаевым у рамках візіту ўзбекскай дэлегацыі ў Рэспубліку Беларусь.
Пачынаючы сустрэчу, Іван Наскевіч азнаёміў калег з Узбекістана з перадумовамі і гісторыяй стварэння Следчага камітэта Рэспублікі Беларусь, яго функцыямі і задачамі, поспехамі і дасягненнямі.
Генеральны пракурор Рэспублікі Узбекістан Іхціёр Абдулаеў праінфармаваў удзельнікаў сустрэчы аб тэндэнцыях і планах па рэфармаванні сістэмы органаў папярэдняга расследавання, асаблівасцях і новаўвядзеннях у крымінальна-працэсуальным заканадаўстве Узбекістана.
«Вопыт беларускіх калег для нас будзе вельмі цікавы і карысны, мы гатовы да больш цеснага супрацоўніцтва са Следчым камітэтам Беларусі. Узаемныя візіты дэлегацый следчых органаў дапамаглі б развіццю канструктыўнага супрацоўніцтва пры расследаванні крымінальных спраў, кансалідацыі сумесных намаганняў у справе барацьбы з міжнароднай злачыннасцю, абмену вопытам барацьбы са злачынствамі», – сказаў кіраўнік узбекскай дэлегацыі і запрасіў Івана Наскевіча наведаць з рабочым візітам Рэспубліку Узбекістан.
Старшыня Следчага камітэта Іван Наскевіч у сваю чаргу адзначыў важнасць міжнароднага супрацоўніцтва ў дзейнасці праваахоўных органаў дзвюх краін.
За перыяд дзейнасці Следчага камітэта ў кампетэнтныя органы Рэспублікі Узбекістан накіравана 38 даручэнняў аб аказанні прававой дапамогі па крымінальных справах, арганізавана выкананне на тэрыторыі Рэспублікі Беларусь 5 аналагічных даручэнняў следчых органаў Узбекістана. На сустрэчы адзначалася, што даручэнні выконваюцца беларускім і ўзбекскім бакамі якасна і аператыўна, што ў сваю чаргу аказвае станоўчы ўплыў на тэрміны папярэдняга следства.
Іван Наскевіч таксама запрасіў калег з Генеральнай пракуратуры Рэспублікі Узбекістан, іншых праваахоўных органаў Узбекістана да супрацоўніцтва з ведамасным выданнем Следчага камітэта – навукова-практычным журналам «Папярэдняе расследаванне».
Удзельнікі сустрэчы таксама абмеркавалі магчымыя формы і метады ўмацавання двухбаковага ўзаемадзеяння. Першым крокам на гэтым шляху будзе падпісанне Пагаднення аб супрацоўніцтве паміж Следчым камітэтам Рэспублікі Беларусь і Генеральнай пракуратурай Рэспублікі Узбекістан, падрыхтоўка тэксту якога ўжо даручана адпаведным падраздзяленням па выніках сустрэчы Івана Наскевіча і Ихціёра Абдулаева.
Міжнародна-прававы аддзел
Следчага камітэта
Рэспублікі Беларусь
Устанавіць ісціну – справа гонару
12.09.2025
