У дачыненні да падазраванага ў здзяйсненні забойства ў ТЦ «Новая Еўропа» прызначана стацыянарная комплексная псіхолага-псіхіятрычная экспертыза

Галоўная

Узаемадзеянне са СМІ

Навіны

09.10.2016

Следчым камітэтам працягваецца расследаванне крымінальнай справы, звязанай з трагічнымі падзеямі ў гандлёвым цэнтры «Новая Еўропа».

Следствам устаноўлена асоба трэцяй пацярпелай жанчыны, якая атрымала нязначныя цялесныя пашкоджанні. Праводзіцца яе допыт.

17-гадовы падазраваны дапытаны следчымі з ужываннем відэазапісу. Аб'ектыўных дадзеных пра тое, што малады чалавек знаходзіўся ў момант здарэння ў стане наркатычнага ап'янення ці пад уплывам псіхатропных рэчываў няма. Са слоў падазраванага ён ужываў алкаголь за некалькі гадзін да здзяйснення злачынства, пры гэтым алкаголю ў выдыханым паветры не выяўлена, экспрэс-тэст праводзіўся непасрэдна пасля затрымання. У гэты час адабраны і адпраўлены на даследаванне ўзоры біялагічных асяроддзяў, якія дадуць дакладны вынік.

Скрыншот з вынятага відэа

Псіхічны стан падазраванага, які з'яўляецца студэнтам вышэйшай навучальнай установы, выклікае ў следства пытанні. У гэтай сувязі следствам у дачыненні да 17-гадовага мінчука прызначана стацыянарная комплексная псіхолага-псіхіятрычная экспертыза.

Праца па крымінальнай справе працягваецца ў цесным узаемадзеянні з супрацоўнікамі міліцыі, экспертамі Дзяржаўнага камітэта судовых экспертыз.

З мэтай устанаўлення ўсіх абставін здарэння Следчы камітэт звяртаецца да сведак з просьбай звязацца з следствам па тэлефоне 8 (017) 3895002.