Следчы камiтэт
У Добрушы следчыя высвятляюць абставіны замаху на забойства, учыненага агульнанебяспечным спосабам
21.09.2018
Добрушскім раённым аддзелам Следчага камітэта ўзбуджана крымінальная справа па ч.1 арт.14, п.5 ч.2 арт.139 (замах на забойства, учыненае агульнанебяспечным спосабам) і ч.2 арт.295 (незаконнае захоўванне боепрыпасаў) Крымінальнага кодэкса Рэспублікі Беларусь.
15 верасня ў вячэрні час невядомы мужчына пранікнуў на тэрыторыю прыватнага домаўладання ў вёсцы Насовічы, устанавіў на падаконнік дома самаробнае выбуховае ўстройства і прывёў яго ў дзеянне. У выніку цялесныя пашкоджанні былі прычынены 34-гадоваму мясцоваму жыхару, які знаходзіўся ў гасцях у гаспадыні дома.
Па падазрэнні ва ўчыненні злачынства затрыманы 60-гадовы мясцовы жыхар – сусед пацярпелай. Падчас допыту абвінавачваны паясніў следчым, што матывам учынення злачынства з'явілася рэўнасць.
У ходзе агляду месца жыхарства мужчыны былі выяўлены патроны, прыдатныя да стральбы, дроб і сыпучыя рэчывы. Па забраных прадметах прызначаны выбуховатэхнічныя і балістычныя экспертызы.
Да абвінавачванага прыменена мера стрымання ў выглядзе заключэння пад варту. Расследаванне крымінальнай справы працягваецца.
Афіцыйны прадстаўнік УСК па Гомельскай вобласці
Марыя Крываногава
Устанавіць ісціну – справа гонару
12.09.2025
