У Крычаўскім раёне пры спробе крадзяжу паліва загінуў мясцовы жыхар

Галоўная

Узаемадзеянне са СМІ

Навіны

У Крычаўскім раёне пры спробе крадзяжу паліва загінуў мясцовы жыхар

26.06.2018

Крычаўскім раённым аддзелам Следчага камітэта праводзіцца праверка па факце гібелі жыхара в. Калініна Крычаўскага раёна.

Папярэдне ўстаноўлена, што 25 чэрвеня 2018 года двое работнікаў аднаго з сельскагаспадарчых прадпрыемстваў Крычаўскага раёна, 1970 і 1974 гадоў нараджэння, знаходзячыся ў стане алкагольнага ап'янення, вырашылі выкрасці з паліўнага бака камбайна «Палессе», які стаяў на механічным двары, дызельнае паліва. З гэтай мэтай яны паспрабавалі падсунуць бервяно пад кола камбайна, каб нахіліць камбайн на бок. Аднак бервяно выскачыла і ўдарыла па галаве 48-гадовага мужчыну, прычыніўшы яму цялесныя пашкоджанні. Напарнік, убачыўшы, што мужчына зваліўся, спалохаўся і ўцёк з месца здарэння.

Паведамленне ў хуткую дапамогу паступіла ад дыспетчара прадпрыемства. Пацярпелы быў шпіталізаваны ў Крычаўскую раённую бальніцу. Нягледзячы на тое, што лекарамі была аказана неабходная медыцынская дапамога, выратаваць мужчыну не ўдалося.

У цяперашні час следчыя высвятляюць усе акалічнасці здарэння. Апытваецца другі ўдзельнік дадзенага здарэння, а таксама работнікі і службовыя асобы сельскагаспадарчага прадпрыемства.

Асаблівая ўвага надаецца вывучэнню прычын і ўмоў, якія садзейнічалі таму, што адбылося.

Па выніках праверкі будзе прынята працэсуальнае рашэнне.

Афіцыйны прадстаўнік УСК па Магілёўскай вобласці

Аксана Салянюк