Следчы камiтэт
У Мінску 74-гадовы кіроўца падазраецца ў здзяйсненні ДТЗ у стане алкагольнага ап'янення
01.06.2018
Сталічныя следчыя высвятляюць абставіны ДТЗ з цяжкім траўміравання пешаходаў.
Па папярэдніх дадзеных, 31 мая 2018 года каля 19 гадзін аўтамабілем «Джылі», які рухаўся па вуліцы Матусевіча ў напрамку вуліцы Жудро ў Мінску, учынены наезд на 24-гадовую жанчыну з двухгадовым сынам. Маці з дзіцем перасякала праезную частку па пешаходным пераходзе на дазваляльны сігнал святлафора. У выніку ДТЗ яны атрымалі цяжкія траўмы, з якімі шпіталізаваны ва ўстановы аховы здароўя.
Пасля здарэння 74-гадовы кіроўца пакінуў салон. Супрацоўнікі органаў унутраных спраў, якія прыбылі па паведамленні відавочцаў, затрымалі мужчыну. На месцы здарэння працавала следча-аператыўная група, супрацоўнікі ДАІ і спецыялісты УДКСЭ па г. Мінску.
Згодна з праведзеным медыцынскім аглядам, пенсіянер знаходзіўся ў стане алкагольнага ап'янення. Раней ён 27 разоў прыцягваўся да адміністрацыйнай адказнасці за парушэнне правілаў дарожнага руху і быў пазбаўлены права кіравання транспартнымі сродкамі за кіраванне ў нецвярозым выглядзе.
УСК па г. Мінску ў дачыненні да вадзіцеля ўзбуджана крымінальная справа па ч. 4 арт. 317 (парушэнне правілаў дарожнага руху асобай, якая кіравала транспартным сродкам у стане алкагольнага ап'янення, што пацягнула па неасцярожнасці прычыненне цяжкага цялеснага пашкоджання) Крымінальнага кодэкса Рэспублікі Беларусь. Падазраваны затрыманы, з ім працуюць следчыя.
Для высвятлення ўсіх абставін здарэння праводзяцца неадкладныя следчыя і іншыя працэсуальныя дзеянні, прызначаны комплекс экспертыз.
Следчыя звяртаюцца з просьбай да грамадзян, якія сталі сведкамі ДТЗ і/або наступных паводзінаў вадзіцеля, паведаміць пра гэта па тэлефонах: 8 017 389 54 06 8 033 333 67 19 альбо ў аператыўна-дзяжурную службу УСК па г. Мінску: 8 017 389 55 55
Афіцыйны прадстаўнік УСК па г. Мінску
Марына Дранькова
Устанавіць ісціну – справа гонару
12.09.2025
