У Мінску распачата крымінальная справа па факце ДТЗ, у якім пацярпела дзіця

Галоўная

Узаемадзеянне са СМІ

Навіны

У Мінску распачата крымінальная справа па факце ДТЗ, у якім пацярпела дзіця

12.06.2018

Сталічныя следчыя высвятляюць абставіны наезду аўтамабіля на малалетняга пешахода.

Па дадзеных следства, каля 18 гадзін 8 чэрвеня 2018 года аўтамабілем «Сітраен Ксантыя», які рухаўся па дваровай тэрыторыі дома па вуліцы Шамякіна ў Мінску, здзейснены наезд на 8-гадовага хлопчыка. Школьнік перасякаў праезную частку справа налева па ходзе руху аўтамабіля. У выніку ДТЗ дзіця шпіталізавана ва ўстанову аховы здароўя з цяжкай траўмай нагі.

Транспартным сродкам кіраваў 25-гадовы жыхар Мінска. Згодна з вынікамі агляду, ён быў цвярозы.

Па дадзеным факце УСК па г. Мінску распачата крымінальная справа па ч. 2 арт. 317 (парушэнне правілаў дарожнага руху, што пацягнула па неасцярожнасці прычыненне цяжкага цялеснага пашкоджання) Крымінальнага кодэкса Рэспублікі Беларусь.

У ходзе выбыцця на месца следча-аператыўнай групы і супрацоўнікаў ДАІ асаблівая ўвага нададзена высвятленню прычын і ўмоў, якія садзейнічалі ДТЗ. Пры правядзенні агляду зафіксавана парушэнне патрабаванняў Правілаў дарожнага руху, якое тычыцца паркоўкі аўтамабіля ў двары дома. Транспартны сродак знаходзіўся паблізу бардзюрнага каменя, афарбаванага фарбай жоўтага колеру ля ўваходу ў пад'езд, што перашкаджала бяспечнаму выхаду пешаходам на праезную частку.

У цяперашні час праводзяцца неадкладныя следчыя дзеянні, а таксама прызначаны шэраг экспертыз, вытворчасць якіх даручана УДКСЭ па г. Мінску.

Следчыя звяртаюць увагу, што ў перыяд летніх выкацый на дваровых тэрыторыях знаходзіцца вялікая колькасць дзяцей, пры з'яўленні якіх паблізу праезнай часткі кіроўца абавязаны знізіць хуткасць для прадухілення ДТЗ, а таксама не здзяйсняць манеўры, не пераканаўшыся ў бяспецы сваіх дзеянняў. Акрамя таго, дарослым неабходна растлумачваць дзецям правілы дарожнага руху, а таксама нагадваць пра небяспеку гульняў каля дарогі і раптоўнага выхаду на прылеглую да двара праезную частку.

Афіцыйны прадстаўнік УСК па г. Мінску

Марына Дранькова