УСК па Мінскай вобласці працягваецца расследаванне крымінальнай справы аб здарэнні ў шахце ААТ «Беларуськалій»

Галоўная

Узаемадзеянне са СМІ

Навіны

12.03.2018

Упраўленнем Следчага камітэта па Мінскай вобласці працягваецца расследаванне крымінальнай справы аб парушэнні правіл бяспекі горных работ, якое выклікала па неасцярожнасці смерць двух чалавек у шахце ААТ «Беларуськалій» (ч.2 арт.303 Крымінальнага кодэкса Рэспублікі Беларусь).

Як перадавалася раней, 9 сакавіка 2018 года на падземным горным участку рудніка 3 рудаўпраўлення адбылося абрушэнне пароды і пад завал трапілі машыніст горных выемачных машын і горнарабочы ачышчальнага забою.

У ноч з 10 на 11 сакавіка гарнавыратавальнікамі былі выцягнуты целы загінуўшых рабочых.

З мэтай агляду месца выкіду пароды, збору дадзеных, фіксацыі слядоў і іншых першапачатковых следчых дзеянняў у шахце працавала следча-аператыўная група пад кіраўніцтвам следчых абласнога апарата ўпраўлення Следчага камітэта па Мінскай вобласці.

У рамках расследавання прычын і абставін здарэння следствам вывучаецца забраная вытворчая і тэхнічная дакументацыя, якая рэгламентуе парадак правядзення дадзеных відаў горных работ, якая тычыцца пытанняў задання, якое выконвалася, правядзення інструктажаў па тэхніцы бяспекі. Працягваюцца допыты работнікаў і службовых асоб прадпрыемства. З мэтай устанаўлення дакладнай прычыны гібелі мужчын прызначаны судова-медыцынскія экспертызы.

Афіцыйны прадстаўнік УСК па Мінскай вобласці

Таццяна Беланог